যোৰহাট,24এপ্ৰিলঃ যোৰহাটত সু-পৰিকল্পনাৰ অভাৱত ট্ৰেফিক পুলিচৰ ব্যৰ্থতা ৷ জনসাধাৰণক সামাজিক নিৰাপত্তা প্ৰদানত ব্যৰ্থ হোৱাৰ অভিযোগ থকা যোৰহাট আৰক্ষীয়ে আনকি নগৰখনৰ ভয়ানক গতিত বৃদ্ধি পোৱা যান-জঁটৰ সমস্যাক নিয়ন্ত্ৰণ কৰাটো ব্যৰ্থ হোৱাত এতিয়া নগৰখনত তীব্ৰ বিশৃংখতাই দেখা দিছে ৷ নগৰখনৰ মাজৰে যোৱা এ টি ৰোড সংলগ্ন কৰা প্ৰতিটো উপ-পথ সংযোগী তিনিআলি, চাৰিআলিত দিনৰ ভাগত সৃষ্টি হয় তীব্ৰ যান-জঁটৰ। ট্ৰেফিক পুলিচৰ দ্বায়িত্বত থকাৰ পাচতো নগৰখনত একাংশ যান-বাহনে ৰাজপথত যান-বাহন আইন উলংঘা কৰা দেখা যায়। ইপিনে একাংশ লোকৰ অভিযোগ যোৰহাট ট্ৰেফিক পুলিচে মাথো হেলমেট পৰিধান নকৰা ব্যক্তিৰ বিৰুদ্ধে জৰিমনা সংগ্ৰহ কৰাত ব্যস্ত থকাৰ বাবেই দিনক দিনে চহৰখনত সৃষ্টি হৈছে এনেধৰণৰ ব্যাপক যান-জঁটৰ সমস্যা ।
যোৰহাটত ব্যৰ্থ ট্ৰেফিক পুলিচ
