মৰিয়নী, 31 জুলাই : এক বৃহৎ অঘটন সংঘটিত হোৱাৰ পৰা কথমপি ৰক্ষা পৰিল মৰিয়নীত ৷ পথৰ দাঁতিৰ এজোপা প্ৰকাণ্ড গছ হঠাৎ উভালি পৰাত কথমপি প্ৰাণৰক্ষা পৰিল কেইবাজন লোকৰ । মৰিয়নী নগৰৰ মাজমজিয়াৰ বাপুজী খেলপথাৰলৈ যোৱা পথৰ দাঁতিত বৃহস্পতিবাৰৰ সন্ধিয়া এজোপা প্ৰকাণ্ড কৃষ্ণচূড়া গছ উভালি পৰাত কথমপি প্ৰাণ ৰক্ষা পৰে বহু কেইজন লোকৰ ৷ অৱশ্যে এই অঘটনত এখন মাৰুটি 800 বাহনৰ বিস্তৰ ক্ষতিসাধন হয় ৷
জানিব পৰা মতে, আৰিফ আহমেদ নামৰ ব্যক্তি জন সেই সময়তে পথৰ দাঁতিত থকা নিজৰ ব্যৱসায়িক প্ৰতিষ্ঠানখন বন্ধ কৰি ঘৰলৈ যোৱাৰ আগ মূহুৰ্ততে সংঘটিত হয় এই ঘটনাটো ৷ সদাব্যস্ত পথটোৰ ওপৰত হঠাৎ গছ জোপা উভলি পৰে যদিও কোনো লোক হতাহত নোহোৱাত স্বস্তিৰ নিশ্বাস লয় অঞ্চলবাসীয়ে ।
লগতে চাওক-নগাঁৱত বন বিভাগৰ অভিযানত চোৰাং কাঠ ভৰ্তি বাহন জব্দ