নিবনুৱাৰ নাম পঞ্জীয়নৰ বাবে Online Portal আৰম্ভ কৰাৰ নিৰ্দেশ মুখ্যমন্ত্রীৰ
দক্ষতা, নিয়োগ আৰু উদ্যমিতা বিভাগ তথা নিয়োগ আৰু কাৰিকৰী প্ৰশিক্ষণ সঞ্চালকালয়ৰ কাম-কাজৰ পৰ্যালোচনা মুখ্যমন্ত্রীৰ । অৰ্ধনিৰ্মিত অৱস্থাত থকা ছখন আই টি আই শীঘ্ৰে কাৰ্যক্ষম কৰাৰ নিৰ্দেশ । অসম দক্ষতা বিকাশ বিশ্ববিদ্যালয়ৰ উপাচাৰ্য নিযুক্তিৰ দিশত শীঘ্ৰে পদক্ষেপ ল'বলৈ নিৰ্দেশ ।
গুৱাহাটী মহানগৰীৰ জাৱৰৰ বোজা নলয় চন্দ্ৰপুৰবাসীয়ে
গুৱাহাটীৰ জাৱৰ পেলাব নোৱাৰে চন্দ্ৰপুৰত ৷ পঞ্চম দিনলৈ চন্দ্ৰপুৰত অব্যাহত ধাৰাবাহিক প্ৰতিবাদ ৷ ডাম্পিং গ্ৰাউণ্ড(dumping ground) স্থাপনৰ বিৰুদ্ধে প্ৰতিবাদ চন্দ্ৰপুৰবাসীৰ ৷
চৰকাৰী গাঁওবুঢ়াৰ বিৰুদ্ধে দূৰ্নীতিৰ অভিযোগ: উপায়ুক্তৰলৈ স্মাৰক পত্ৰ প্ৰেৰণ
শুকান পুখুৰী চাহ বাগিচাৰ চৰকাৰী গাঁওবুঢ়াৰ বিৰুদ্ধে উত্থাপন হৈছে দূৰ্নীতিৰ অভিযোগ । চৰকাৰী গাঁওবুঢ়াজনে উৎকোচ লৈ স্থায়ী বাসিন্দাৰ প্ৰমাণ পত্ৰ প্ৰদান কৰাৰ লগতে ভূমি দখলৰ প্ৰমাণ পত্ৰ প্ৰদান কৰি অহাৰ অভিযোগ উত্থাপন কৰিছে স্থানীয় লোকে ৷
APSC ৰ নিযুক্তি কেলেংকাৰী: বুধবাৰে পুনৰ ৯ বিষয়ালৈ জাননী
২০১৩ বৰ্ষত লোকসেৱা আয়োগ(APSC) ৰ চাকৰি লাভ কৰা ৯ গৰাকী সন্দেহজনক বিষয়ালৈ বুধবাৰে পুনৰ জাননী জাৰি কৰিছে ন্যায়াধীশ বিপ্লৱ কুমাৰ শৰ্মা আয়োগে । ১৫ দিনৰ ভিতৰত তেওঁলোকক আয়োগৰ ওচৰত হাজিৰ হোৱাৰ নিৰ্দেশ । মঙলবাৰে জাননী জাৰি কৰা হৈছিল ১০ জন বিষয়ালৈ ।
দলৰ মজিয়াত বাজেট সন্দৰ্ভত মত বিনিময় বিত্তমন্ত্ৰী অজন্তা নেওগৰ
সমাজৰ বিভিন্ন স্তৰৰ লোকক সাক্ষাৎ কৰি পৰামৰ্শ গ্ৰহণ কৰিব নোৱাৰাৰ বাবে ই-মেইল(Email) আৰু whats app ৰ জৰিয়তে বাজেট সন্দৰ্ভত পৰামৰ্শ গ্ৰহণ কৰিব বিত্তমন্ত্ৰী অজন্তা নেওগে । ড৹ হিমন্ত বিশ্ব শৰ্মা নেতৃত্বাধীন চৰকাৰখনৰ প্ৰথমখন বাজেট সকলো প্ৰকাৰৰ লোকক উপকৃত কৰিব পৰাকৈ প্ৰস্তুত কৰাৰ বাবেই এই প্ৰচেষ্টা বিত্তমন্ত্ৰী অজন্তা নেওগৰ ৷ বুধবাৰে, মুখ্যমন্ত্ৰী ড° হিমন্ত বিশ্ব শৰ্মাৰ উপস্থিতিত দলৰ মজিয়াত বাজেট সন্দৰ্ভত বিত্তমন্ত্রী অজন্তা নেওগ এক আলোচনাত মিলিত হয় । ৰাইজৰ লগতে দলৰ কাৰ্যকর্তাসকলৰ পৰামৰ্শ গুৰুত্ব সহকাৰে লোৱা হ’ব মন্ত্ৰী নেওগৰ বাজেটত ।
GST য়ে কৰৰ সংখ্যা হ্ৰাস কৰিছে : নৰেন্দ্ৰ মোডী
জিএছটি(GST) প্ৰৱৰ্তনৰ চতুৰ্থ বৰ্ষপূৰ্তিৰ সময়ত প্ৰধানমন্ত্ৰী মোডীয়ে টুইট কৰি কয় যে GST য়ে কৰৰ সংখ্যা হ্ৰাস কৰি স্বচ্ছতা বৃদ্ধি কৰিছে ৷ ই সাধাৰণ মানুহৰ ওপৰত কৰ, অনুপালনৰ বোজা আৰু সামগ্ৰিক কৰৰ বোজা হ্ৰাস কৰিছে ৷ তদুপৰি স্বচ্ছতা, অনুপালন আৰু সামগ্ৰিক সংগ্ৰহ যথেষ্ট বৃদ্ধি কৰিছে ।
৬.২৯ লাখ কোটি টকাৰ সাহায্য পেকেজত অনুমোদন কেন্দ্ৰীয় কেবিনেটৰ
ক'ভিড-১৯ মহামাৰীয়ে কোঙা কৰা অৰ্থনীতি পুনৰুজ্জীৱিত কৰাৰ বাবে ৬.২৯ লাখ কোটি টকাৰ সাহায্য পেকেজত অনুমোদন জনালে কেন্দ্ৰীয় কেবিনেটে । চলিত সপ্তাহৰ আৰম্ভণিতে মহামাৰীয়ে প্ৰভাৱিত কৰা বিভিন্ন খণ্ডৰ বাবে এই আৰ্থিক সাহায্য পুঁজি ঘোষণা কৰিছিল কেন্দ্ৰীয় বিত্ত মন্ত্ৰী নিৰ্মলা সীতাৰমণে ।
জম্মুত অব্যাহত আছে পাকিস্তানী সন্ত্ৰাসবাদীৰ ড্ৰোণ কাৰ্যকলাপ
বুধবাৰে পুৱা জম্মুৰ কালুচাক আৰু কুঞ্জৱানীত ড্ৰোণৰ কাৰ্যকলাপ প্ৰত্যক্ষ কৰা হয় । জম্মু বায়ু সেনা কেন্দ্ৰৰ (Jammu Air Force Station) কাৰিকৰী এলেকাত ড্ৰোণৰ দ্বাৰা দুটাকৈ বিস্ফোৰণ সংঘটিত হৈছিল দেওবাৰে । প্ৰতিৰক্ষা মন্ত্ৰীয়ে সমগ্ৰ বিষয় পৰ্যালোচনা কৰি পৰিস্থিতি নিৰীক্ষণ কৰি আছে ।
৭৯৮ গৰাকী চিকিৎসকৰ প্ৰাণ কাঢ়িলে ক'ভিডে: আই এম এ
নিজৰ জীৱন তুচ্ছ কৰি প্ৰতি দিনে ক'ভিড-১৯(COVID-19)ত আক্ৰান্ত ৰোগীক সেৱা আগবঢ়াইছে চিকিৎসক আৰু আন স্বাস্থ্য কৰ্মীয়ে । ক্লান্ত হৈ পৰিছে বহুজন । দিনে-নিশাই ৰোগীক সেৱা আগবঢ়াই নিজেও মহামাৰীৰ কবলত পৰিছে ক'ভিড যোদ্ধা । ইণ্ডিয়ান মেডিকেল এছ'চিয়েছন(IMA)ৰ মতে, ক'ভিড-১৯ৰ দ্বিতীয় ঢৌৰ সংক্ৰমণৰ ফলত এতিয়ালৈকে দেশৰ ৭৯৮ গৰাকী চিকিৎসকে প্ৰাণ হেৰুৱাইছে । ইয়াৰ ভিতৰত দিল্লীত আটাইতকৈ বেছি চিকিৎসকৰ মৃত্যু হৈছে ।
পুতলাৰ ভিতৰত ওলাল 12 কেজি গাঞ্জা
কৰিমগঞ্জৰ বদৰপুৰ ৰে’ল ষ্টেচনত পুতলাৰ ভিতৰত গাঞ্জা সৰবৰাহ কৰি আৰক্ষীৰ জালত পৰিল দুজন ৷ ৰে’ল আৰক্ষীয়ে অভিযান চলাই ১২ কেজি গাঞ্জাসহ আটক কৰিলে দুই সৰবৰাহকাৰীক ৷
