টীয়ক,22 জুলাইঃ স্বাধীনতা দিৱসৰ প্ৰাকক্ষণত টীয়কৰ মাষ্টাৰ এঞ্জেল নামৰ এজন প্ৰতিভাবান শিশু শিল্পীয়ে 'স্বদেশপ্ৰেম' নামাকৰণেৰে এটি দেশপ্ৰেমমূলক গীত মুকলি কৰে ৷ ষ্টুডিঅ' মে'ক মিউজিকত সোমবাৰে টীয়ক অঞ্চলৰ কেইবাজনো সংগীত অনুৰাগীৰ উপস্থিতত আনুষ্ঠানিকভাৱে মুকলি কৰা হয় এই গীতটো ।
চাহ জনগোষ্ঠীৰ জনপ্ৰিয় কন্ঠশিল্পী ধৰম তাঁতীয়ে মুকলি কৰা এই গীতটিৰ কথা সুৰ নবজ্যোতি গায়নৰ, সংগীত পল্লৱ পৰশ আৰু বিদ্যুৎ ফুকনৰ । গীতটিৰ শব্দ মিশ্ৰণ কৰিছে মে'ক মিউজিকৰ স্বত্বাধিকাৰী নয়ণমণিয়ে । উল্লেখযোগ্য যে, এঞ্জেলৰ পৰিয়ালৰ আৰ্থিক দৈনতাৰ বাবে গীতটি বাণীবন্ধন কৰাৰ ক্ষেত্ৰত যথেষ্ট সময় লাগিছিল । তৎসত্ত্বেও পুত্ৰৰ প্ৰতিভা তথা আশা পূৰণৰ বাবে অৱশেষত অশেষ কষ্টেৰে কেইবাজনো বিশেষ ব্যক্তিৰ সহায়ত গীতটি বাণীবন্ধন কৰি মুকলি কৰাত সকলো শুভাকাংক্ষীয়ে এঞ্জেলক শুভেচ্ছা জনোৱাৰ লগতে কেঁচা মাটিৰ গোন্ধেৰে সংগীতৰ জগতত খোজ পেলোৱা মাত্ৰ ১১ বছৰীয়া শিশু শিল্পী এঞ্জেলৰ এই প্ৰচেষ্টাক শলাগ জনাইছে ।
