টীয়ক,22 নৱেম্বৰঃ দেওবাৰে যোৰহাট জিলাৰ টীয়কত নেচনেল মেডিক'জ অৰ্গেনাইজেছন অসমে সেৱা ভাৰতীৰ সহযোগত ৰক্তদান শিৱিৰ সন্দৰ্ভত এক সংবাদ মেল সম্বোধন কৰে । অহা ২৪ নৱেম্বৰ তাৰিখে লাচিত দিৱস উপলক্ষ্যে সংগঠনটোৱে টীয়কৰ লাহদৈগড়স্থীত বীৰ লাচিত বৰফুকনৰ সমাধিস্থলী লাচিত মৈডামৰ সমীপৰ নৰাহিলৈদাৰী প্ৰাথমিক বিদ্যালয়ত এক ৰক্তদান শিৱিৰৰ আয়োজন কৰাৰ কথা সদৰি কৰে ৷
টীয়কত নেচনেল মেডিক'জ অৰ্গেনাইজেছনৰ সংবাদ মেল
ইয়াৰ লগতে ৰক্তদান মহান দান কথাষাৰ শাৰুগত কৰি সকলোকে ৰক্ত দান কৰিবলৈ আহ্বান জনাই নেচনেল মেডিক'জ অৰ্গেনাইজেছনৰ অধ্যক্ষ ডাঃ যদুনাথ বুঢ়াগোহাঁয়ে । উল্লেখযোগ্য যে, এই মেলতে ৰক্তদানৰ সমান্তৰালকৈ বিভিন্ন ঋতুকালীন ৰোগ প্ৰতিৰোধ তথা নিৰাময়ৰ ওপৰত আলোচনা কৰা দেখা যায়।
লগতে পঢ়কঃ মিছামাৰীৰ ন-বিল পথাৰত শ্ৰী শ্ৰীকৃষ্ণ ৰাস মহোৎসৱৰ ব্যাপক প্ৰস্তুতি
