টীয়ক, ২৭ ফেব্ৰুৱাৰী : টীয়কৰ জাঁজীমুখত স্থানীয় একাংশ সচেতন লোকে এটা দল হৰিণাৰ পোৱালি উদ্ধাৰ কৰে । জাঁজীমুখৰ প্ৰকৃতি সুৰক্ষা অনুষ্ঠান 'কেতেকী'ৰ অন্যতম কৰ্মকৰ্তা তথা স্থানীয় যুৱক অনন্ত বৰা আৰু চিৰঞ্জীৱ বৰাৰ প্ৰচেষ্টাত আৰু ৰাইজৰ সহযোগত শনিবাৰে হৰিণা পোৱালিটো উদ্ধাৰ হয় ।
ৰাইজে হৰিণা পোৱালিটো বৰ্তমান যোৰহাট বন বিভাগক গটাই দিছে । খৰাং বতৰত খাদ্যৰ সন্ধানত দল হৰিণা পোৱালিটো বনাঞ্চলৰ পৰা ওলাই আহিছিল বুলি সন্দেহ প্ৰকাশ কৰিছে স্থানীয় লোকসকলে ।
লগতে পঢ়ক:শিক্ষক নিযুক্তি : ভোট বৰ্জনৰ হুংকাৰ নিযুক্তিৰ পৰা বঞ্চিত শিক্ষকৰ
