দহদিনত সম্পূৰ্ণ হ'ব যোৰহাটৰ অস্থায়ী ক'ভিড হাস্পতাল

যোৰহাটত দ্ৰুত গতিত নিৰ্মাণ কাৰ্য চলি আছে অস্থায়ী ক’ভিড চিকিৎসালয় । আগন্তুক দহ দিনৰ ভিতৰত সম্পূৰ্ণ হ’ব এই চিকিৎসালয় ৷

যোৰহাট, 25 জুলাই : ৰাজ্যত এতিয়া দ্ৰুত গতিত বৃদ্ধি পাইছে ক’ভিড-19 ত আক্ৰান্ত ৰোগীৰ সংখ্যা । ইতিমধ্যে ৰাজ্যত ২৯ হাজাৰ অতিক্ৰম কৰিলে ক’ভিড আক্ৰান্তৰ সংখ্যাই । ব্যক্তিক্ৰম নহয় যোৰহাট জিলাও । যোৰহাটত ১২00 ৰো অধিক লোক আক্ৰান্ত হৈছে কৰ'ণাত । দৈনিক বৃদ্ধি পাইছে ৰোগীৰ সংখ্যা । ফলত যোৰহাট চিকিৎসা মহাবিদ্যালয়ৰ লগতে সকলো চৰকাৰী চিকিৎসালয় পৰিপূৰ্ণ হৈ পৰিছে ৰোগীৰে ।

ক’ভিড আক্ৰান্ত ৰোগীৰ সংখ্যা বৃদ্ধিৰ প্ৰতি লক্ষ্য ৰাখি ৰাজ্য চৰকাৰৰ স্বাস্থ্য বিভাগে যোৰহাট জিলা প্ৰশাসনৰ লগত আলোচনা কৰি এখন অস্থায়ী ক’ভিড চিকিৎসালয় নিৰ্মাণ কাম আৰম্ভ কৰিছে । য’ত ৩০০ ৰোগীৰ বাবে চিকিৎসাৰ ব্যৱস্থা কৰিব পৰা যাব । এই অস্থায়ী ক’ভিড চিকিৎসালয় নিৰ্মাণ সম্পূৰ্ণ হোৱাৰ পাচত যোৰহাটত ক’ভিডত আক্ৰান্ত লোকক সু-চিকিৎসা প্ৰদান কৰিব পাৰিব বুলি আশাবাদী প্ৰশাসনৰ লগতে স্বাস্থ্য বিভাগ ।

লগতে পঢ়ক : জাতিৰ ঐতিহ্যৰ অলংকাৰেৰে পৰিপূৰ্ণ আহোমৰ ৰাজধানী গড়গাঁও