টীয়ক, 22 ছেপ্তেম্বৰ: টীয়ক আৰক্ষী থানাৰ অন্তৰ্গত পৰ্বতীয়া গাঁৱত সংঘটিত হৈছে এক চাঞ্চল্যকৰ হত্যাকাণ্ডৰ ঘটনা ৷ নিজ ভাতৃক হত্যা কৰি লুকুৱাই ৰাখিছিল মানসিক ভাৱে বিকাৰগ্ৰস্ত এজন লোকে ৷ মঙলবাৰে হত্যাৰ বলি হোৱা অনিল বৰদলৈ নামৰ লোকজনৰ মৃতদেহ আৰক্ষীয়ে উদ্ধাৰ কৰাৰ পাছতে গাঁওবাসীৰ মাজত সৃষ্টি হয় আতংকময় পৰিৱেশৰ ৷ ইতিমধ্যে আৰক্ষীয়ে গ্ৰেপ্তাৰ কৰিতে নিজ ভাতৃৰ হত্যাকাৰী অমৃত বৰদলৈক ৷ উল্লেখ্য যে, অসম আৰক্ষীৰ 25 এপি অ এন জি চি বেটিলিয়নত কৰ্মৰত অনিল বৰদলৈ নামৰ লোকজনত হত্যা কৰি নিজ বাসগৃহতে লুকুৱাই ৰাখিছিল হত্যাকাৰী ভাতৃ অমৃত বৰদলৈয়ে ৷ তদন্তৰ অন্তত মঙলবাৰে ব্যক্তিজনৰ নিজা বাসগৃহৰ পৰাই তেঁওৰ মৃতদেহটো উদ্ধাৰ কৰে আৰক্ষীয়ে ৷ লগতে আটক কৰে হত্যাকাৰী অমৃত বৰদলৈক ৷
জানিব পৰা মতে,অমৃত বৰদলৈ এজন মানসিক বিকাৰগ্ৰস্ত লোক। আজিৰ পৰা প্ৰায় এবছৰৰ পূৰ্বে একেধৰণে নিজৰ ভনীয়েককো ঘৰৰ ভিতৰতে মাৰি লুকুৱাই ৰাখিছিল অমৃতে ৷ তেতিয়া আৰক্ষীয়ে ধৃত অমৃতক গ্ৰেপ্তাৰ কৰি জেল হাজোতলৈ প্ৰেৰণ কৰিছিল যদিও পৰৱৰ্ত্তী সময়ত মানসিক বিকাৰগ্ৰস্তৰ প্ৰ-পত্ৰ দেখুওৱাই আইনী মেৰপাকৰ পৰা ওলাই আহিছিল হত্যাকাৰীটো ৷ ইতিমধ্যে টীয়ক আৰক্ষীয়ে ধৃত অমৃতক গ্ৰেপ্তাৰ কৰিছে যদিও এতিয়া শংকিত হৈ পৰিছে গাঁৱবাসী । পুনৰ যাতে আইনৰ সুৰুঙা লৈ ধৃত অমৃত ওলাই আহি এনেকুৱা ঘটনাৰ পুনৰাবৃত্তি কৰিব নোৱাৰে তাৰ বাবে উচিত ব্যৱস্থা গ্ৰহণ কৰিবলৈ প্ৰশাসন তথা চৰকাৰক আহ্বান জনাইছে স্থানীয় লোক সকলে ৷
লগতে পঢ়কঃ সুলভ শৌচালয়ত নিৰ্মাণত সুলভ হৈছে দুৰ্নীতি
