যোৰহাট,13 এপ্ৰিলঃ বিহুৰ প্ৰাকক্ষণত যোৰহাটবাসীৰ বাবে এক দুঃখবৰ ৷ যোৰহাটৰ জ্যেষ্ঠ ক্ৰীড়া সাংবাদিক প্ৰাঞ্জল হাজৰিকাৰ দেওবাৰে মাজ নিশা ১.৪৪ বজাত যোৰহাট চিকিৎসা মহাবিদ্যালয় হাস্পতালত মৃত্যু হয় ৷ বিগত কেইবামাহ ধৰি জটিল ৰোগত ভুগি আছিল সাংবাদিকজন ৷ কিছুদিন পূৰ্বে সাংবাদিক গৰাকীৰ স্বাস্থ্যৰ অৱনতি ঘটাত পৰিয়ালৰ লোকে ভৰ্তি কৰাইছিল যোৰহাট চিকিৎসা মহাবিদ্যালয় হাস্পতালত ৷
উল্লেখ্য যে, অসমীয়া প্ৰতিদিন কাকতৰ ক্ৰীড়া সাংবাদিকৰূপে কৰ্মৰত আছিল প্ৰাঞ্জল হাজৰিকা ৷ দৈনিক জনমভূমি কাকতত ফ্ৰী লাঞ্চাৰ সাংবাদিকৰূপে সাংবাদিকতা আৰম্ভ কৰা প্ৰয়াত হাজৰিকাই পৰৱৰ্তী সময়ত দৈনিক অগ্ৰদূত, খবৰ, নিয়মীয়া বাৰ্তা আদি ৰাজ্যৰ আগশাৰীৰ বাতৰি কাকতত ক্ৰীড়া সাংবাদিক ৰূপে সেৱা আগবঢ়াইছিল ৷ হাজৰিকাৰ মৃত্যুত সমগ্ৰ যোৰহাটত শোকৰ ছাঁ পৰিছে ৷
লগতে চাওকঃ কৰবেট টাইগাৰ ৰিৰ্জাভ"ত জীৱকূলৰ বাবে কোৱাৰেন্টাইন কক্ষৰ ব্যৱস্থা
