টীয়ক, ২৬ জুলাই: মাহযোৰা গৰম বন্ধৰ পাছত মঙলবাৰৰ পৰা বিদ্যালয়ত পাঠদান আৰম্ভ হৈছে । প্ৰায়ভাগ ছাত্ৰ-ছাত্ৰীয়ে বিদ্যালয়ত পাঠ গ্ৰহণৰ বাবে উপস্থিত হৈছে যদিও অভিভাৱক সকলে বিদ্যালয় একত্ৰিকৰণক লৈ বিপাঙত পৰিছে(School amalgamation problem in Teok)। কাৰণ বিদ্যালয় একত্ৰিকৰণক লৈ আজিও অনিশ্চয়তাত বহু বিদ্যালয় ।
একত্ৰিকৰণক লৈ অনিশ্চয়তাত ভুগিছে টীয়কৰ জাঁজীমুখৰ ফুকনবাৰী প্ৰাথমিক বিদ্যালয়ৰ ছাত্ৰ-ছাত্ৰীৰ অভিভাৱক সকল । সেইবাবে মঙলবাৰে শিক্ষকৰ ৰূপত অৱতীৰ্ণ হ'ল অভিভাৱক(parent appeared as a teacher in Teok)। মধ্য যোৰহাট শিক্ষা খণ্ডৰ অধীনৰ ফুকনবাৰী প্ৰাথমিক বিদ্যালয়ৰত অভিভাৱকে শিক্ষকৰ অভাৱত ছাত্ৰ-ছাত্ৰীক পাঠদান কৰিবলগীয়া হোৱাত ৰাইজৰ মাজত প্ৰতিক্ৰিয়াৰ সৃষ্টি হৈছে ।
উল্লেখ্য় যে ১৯৭৫চনতে স্থাপন হোৱা বিদ্যালয়খনত ছাত্ৰ-ছাত্ৰী থকাৰ পিছতো প্ৰায় আঢ়ৈ কিলোমিটাৰ নিলগৰ এখন বিদ্যালয়ত একত্ৰিকৰণ কৰাত ক্ষুব্ধ হৈ পৰিছে অভিভাৱক সকল । এই সন্দৰ্ভত বিভাগক বাৰম্বাৰ অৱগত কৰাৰ পাছতো কোনো ব্যৱস্থা নকৰাত এতিয়া অভিভাৱক সকলেই পাঠদান কৰিছে শিশুসকলক । অনতি পলমে বিদ্যালয়খনত শিক্ষক নিযুক্তি দি শিশুসকলক নিয়মীয়াকৈ পাঠদানৰ ব্যৱস্থা গ্ৰহণ কৰিবলৈ উৰ্ধতম কৰ্তৃপক্ষক আহ্বান জনাইছে অভিভাৱকসকলে ।
লগতে পঢ়ক:Tripura BJP political crisis: ত্ৰিপুৰাত বিজেপিৰ বিধায়কে যোগ দিব কংগ্ৰেছত
