যোৰহাট,৪ মাৰ্চ: একেটা ছাতিৰ তলতে প্ৰাথমিকৰ পৰা হাইস্কুল পৰ্যায়লৈকে শিক্ষা গ্ৰহণৰ ব্যৱস্থা আৰম্ভ কৰি শেহতীয়াকৈ ৰাজ্যৰ শিক্ষা বিভাগে বিদ্যালয়সমুহ একত্ৰীকৰণৰ নিৰ্দেশনা জাৰি কৰিছিল (School amalgamation in Assam) ৷ শিক্ষামন্ত্ৰী ৰণোজ পেগুৱে জাৰি কৰিছিল এই নিৰ্দেশনা । কিন্তু এই নিৰ্দেশনাই বহুতৰ মাজত সৃষ্টি কৰিছিল তীব্ৰ প্ৰতিক্ৰিয়াৰ । বিশেষকৈ বহু বিদ্যালয় নোহোৱা হোৱাৰ দিশে গতি কৰাৰ বাবে চিন্তিত হৈ পৰিছে শিক্ষাৰ্থী-শিক্ষক তথা অভিভাৱকসকল ।
একেই পৰিস্থিতি বিৰাজ কৰিছে যোৰহাটৰ এখন বিদ্যালয়ত(School amalgamation in Jorhat) । যোৰহাট ঢ়েকৰগড়া শিক্ষাখণ্ডৰ অন্তৰ্গত নেউল গাঁৱত অৱস্থিত গোবিন্দ গোৱৰ চুক প্ৰাথমিক বিদ্যালয়ক নগন্য সংখ্যক শিক্ষাৰ্থী থকা দুৰ্গম অঞ্চলৰ দনিপল মধ্য ইংৰাজী বিদ্যালয়ৰ সৈতে একত্ৰীতকৰণ কৰাত দুখত ভাগি পৰিছে ছাত্ৰ-ছাত্ৰীসকলৰ লগতে অভিভাৱকসকল(Student against school amalgamation) ।
যাৰ ফলত প্ৰাক্তন ছাত্ৰ-ছাত্ৰী তথা বৰ্তমানৰ অধ্যয়নৰত শিক্ষাৰ্থীসকলে একত্ৰীকৰণ কৰা বিদ্যালয়খনলৈ নাযাও বুলি কৈ প্ৰতিবাদত নামি পৰাৰ লগতে উক্ত বিষয় সন্দৰ্ভত এক ৰাজহুৱা সভা অনুষ্ঠিত কৰে (Protest Against School Amalgamation) । আনহাতে শিক্ষা বিভাগে একত্ৰীকৰণ কৰা বিদ্যালয়ৰ একাউণ্টত মধ্যাহ্ন ভোজনৰ পুঁজি দিয়াৰ বাবে গোবিন্দ গোৱৰ চুক প্ৰাথমিক বিদ্যালয়ৰ শিক্ষাৰ্থীসকলে মধ্যাহ্ন ভোজনৰ পৰা বঞ্চিত হৈছে ।
ফলত প্ৰধান শিক্ষকগৰাকীয়ে নিজৰ পকেটৰ ধন খৰচ কৰি শিক্ষাৰ্থী সকলক মধ্যাহ্ন ভোজন খুৱাব লগা পৰিস্থিতিৰ উদ্ভৱ হৈছে । শিক্ষা বিভাগে গোবিন্দ গোৱৰ চুক প্ৰাথমিক বিদ্যালয়ৰ শিক্ষাৰ্থীসকলৰ প্ৰতি এক সুবিচাৰ প্ৰদান কৰিব বুলি অভিভাৱকসকলে আশাৰে বাট চাই ৰৈছে । উল্লেখ্য যে মিছিং জনজাতি অধ্যুষিত অঞ্চলৰ লোকসকল প্ৰধানত কৃষি ওপৰত নিৰ্ভৰশীল । সেয়েহে নিজৰ সন্তানক দুৰ্গম অঞ্চলত অৱস্থিত শিক্ষানুষ্ঠানলৈ পঠিয়াবলৈ অনীহা প্ৰকাশ কৰে । ফলত এই সকল শিশুৱে পূৰ্বৰে পৰা শিক্ষা লাভ কৰাৰ পৰা বঞ্চিত হৈ আহিছে । শিক্ষা বিভাগৰ এনেবোৰ সিদ্ধান্ত বাবে এইসকল শিশুৱে প্ৰাথমিক শিক্ষা লাভ পৰাৰ বঞ্চিত হোৱা গুৰুতৰ অভিযোগ উথাপিত হৈছে ।
লগতে পঢ়ক: Devi Dol in crisis : দেৱীদৌলৰ প্ৰতি ভাবুকি, পুৰাতত্ব বিভাগৰ বিৰুদ্ধে সৰৱ স্থানীয় সংগঠন
