অৰ্ধগলিত নাহৰফুটুকীৰ মৃতদেহ উদ্ধাৰ

টীয়কৰ মেলেঙত উদ্ধাৰ মৃত নাহৰফুটুকী ৷ বিপুল ৰাজকুমাৰ নামৰ স্থানীয় যুৱকজনে অৰ্ধগলিত অৱস্থাত প্ৰত্যক্ষ কৰে নাহৰফুটুকীৰ মৃতদেহটো ৷ নাহৰফুটুকীটোৰ প্ৰকৃত কাৰণ এই পৰ্যন্ত স্পষ্ট হোৱা নাই যদিও বেমাৰৰ বাবেই মৃত্যু হোৱা বুলি সন্দেহ কৰিছে বন বিভাগে ৷

যোৰহাট, 28 ছেপ্টেম্বৰঃ টীয়কৰ মেলেঙত উদ্ধাৰ মৃত নাহৰফুটুকী ৷ যোৰহাট জিলা টীয়কৰ মেলেং বৰগুৰি সন্দিকৈ গাঁৱৰ চাহ বাগানৰ মাজত উদ্ধাৰ মৃত নাহৰফুটুকীটো ৷ বিপুল ৰাজকুমাৰ নামৰ স্থানীয় যুৱকজনে অৰ্ধগলিত অৱস্থাত প্ৰত্যক্ষ কৰে নাহৰফুটুকীৰ মৃতদেহটো ৷ যোৰহাট বন বিভাগক খবৰ দিয়াত যোৰহাট বন সংমণ্ডল বিষয়া অৰুণ কলিতাৰ নেতৃত্বত এটা দল উক্ত স্থানত উপস্থিত হৈ বাঘটো যোৰহাটলৈ লৈ যায় । নাহৰফুটুকীটোৰ মৃত্যুৰ প্ৰকৃত কাৰণ এই পৰ্যন্ত স্পষ্ট হোৱা নাই যদিও বেমাৰৰ বাবেই মৃত্যু হোৱা বুলি সন্দেহ কৰিছে বন বিভাগে ৷