যোৰহাটত উপস্থিত প্ৰধানমন্ত্ৰী নৰেন্দ্ৰ মোডী

যোৰহাটl উপস্থিত হ'লহি ভাৰতৰ প্ৰধানমন্ত্ৰী নৰেন্দ্ৰ মোডী ৷ চাবুৱাৰ এখন নিৰ্বাচনী সভাত লোৱাৰ পাছতেই যোৰহাটত শনিবাৰে আহি উপস্থিত হয় প্ৰধানমন্ত্ৰী গৰাকী ৷ দেওবাৰে বোকাখাতৰ এখন নিৰ্বাচনী সভাত অংশ ল'ব প্ৰধানমন্ত্ৰী মোডীয়ে ৷

যোৰহাট,20 মাৰ্চ: সমাগত অসম বিধানসভা নিৰ্বাচনৰ বাবে বিজেপি দলৰ হৈ নিৰ্বাচনী প্ৰচাৰ চলোৱাৰ উদ্দেশ্যে অসমত আহি বাহৰ পাতিছে প্ৰধানমন্ত্ৰী নৰেন্দ্ৰ মোডীয়ে ৷ শনিবাৰে চাবুৱাৰ এখন নিৰ্বাচনী সভাত লোৱাৰ পাছতেই সন্ধিয়াৰ ভাগত যোৰহাটত উপস্থিত হয় প্ৰধানমন্ত্ৰী গৰাকী ৷

জানিব পৰা মতে, শনিবাৰৰ নিশাটো যোৰহাটস্থিত সেনা বাহিনীৰ মিলিটেৰী ষ্টেচনত কটাই দেওবাৰে বোকাখাতৰ এখন নিৰ্বাচনী সভাত প্ৰধানমন্ত্ৰী গৰাকীয়ে অংশ ল'ব ৷

শনিবাৰৰ নিশাটো যোৰহাটস্থিত সেনা বাহিনীৰ মিলিটেৰী ষ্টেচনত কটাব প্ৰধানমন্ত্ৰী গৰাকীয়ে

উল্লেখ্য যে, আগন্তুক নিৰ্বাচন উপলক্ষে অসমলৈ ইজনৰ পাছত সিজনকৈ ৰাষ্ট্ৰীয় নেতাৰ আগমন ঘটিব ধৰিছে ৷ কংগ্ৰেছৰ হৈ প্ৰচাৰ চলোৱাৰ উদ্দেশ্যে শুকুৰবাৰে ৰাহুল গান্ধী অসম আহি উপস্থিত হোৱাৰ বিপৰীতে শনিবাৰে প্ৰধানমন্ত্ৰী মোডী আহি বিজেপিৰ হৈ প্ৰচাৰ চলোৱা আৰম্ভ কৰিছে ৷

লগতে পঢ়ক: অমিয় কুমাৰ ভূঞাৰ হৈ মন্ত্ৰী হিমন্তৰ নিৰ্বাচনী প্ৰচাৰ