যোৰহাট,24 নৱেম্বৰঃ ৰাজ্যখনৰ বিভিন্ন প্ৰান্তত থকা মায়ামৰা সম্প্ৰদায়ৰ আটাইতকৈ গুৰুত্বপূৰ্ণ বাৰটোৱেই হৈছে আঘোণ মাহৰ প্ৰথমটো দেওবাৰ । ঐতিহাসিক বৰভেটিৰ বছৰৰ প্ৰথম ন-লগোৱা উৎসৱ । যোৰহাটৰ বৰভেটিৰ ২৫২ সংখ্যক ন-লগোৱা উৎসৱটিত ১৫ খন জিলাৰ পৰা ৩ লাখ ভক্তৰ সমাগম ঘটিছে ৷ দ্বিতীয় বৈকুণ্ঠলৈ পৰিণত হৈছে যোৰহাটৰ বৰভেটি । অন্যান্য ভক্তৰ লগতে দেওবাৰে বৰভেটিত উপস্থিত হৈছে আগন্তুক অসমীয়া ছবি প্ৰতিঘাতৰ সমূহ কলা-কুশলী ৷ অসমীয়া বোলছবি জগতৰ মোহময়ী অভিনেত্ৰী অমৃতা গগৈৰ লগতে অভিনেতা পদ্মৰাগ গোস্বামী আৰু টীম প্ৰতিঘাতৰ সকলো কলা কুশলী বৰভেটিলৈ আহি অভিভূত হৈ পৰাৰ লগতে 6 ডিচেম্বৰত মুক্তি লাভ কৰিবলগীয়া নতুন অসমীয়া চলচ্চিত্ৰ প্ৰতিঘাতৰ বাবে বন্তি জ্বলাই আশীষ ল'লে প্ৰতিঘাত দলে ৷
বৰভেটিত টিম প্ৰতিঘাত
