টীয়ক, 24 ফেব্ৰুৱাৰীঃ পান আমেৰিকান মাষ্টাৰ্ছ গেমছ 2020 লৈ নিৰ্বাচিত টীয়ক হাঁহচৰাৰ মণিষা গগৈ নামৰ এগৰাকী মহিলাৰ ৷ যোৰহাট জিলাৰ টীয়ক হাঁহচৰা কোঁৱৰ গাঁৱৰ তিলক গগৈৰ নামৰ লোক গৰাকীৰ পত্নী মণিষা গগৈয়ে আন্তঃৰাষ্ট্ৰীয় পৰ্যায়ৰ প্ৰতিযোগিতাত 400 মিটাৰ আৰু 800 মিটাৰ দৌৰত অংশগ্ৰহণৰ সুবিধা লাভ কৰিবলৈ সক্ষম হৈছে ৷ ব্ৰাজিলৰ ৰিঅ' ডি জেনেৰিঅ’ ত অহা 4 ছেপ্টেম্বৰৰ পৰা 13 ছেপ্টেম্বৰলৈ অনুষ্ঠিত হ’বলগীয়া পান আমেৰিকান মাষ্টাৰ্ছ গেমছত অংশগ্ৰহণ কৰাৰ সুবিধা লাভ কৰিছে মণিষা গগৈয়ে ৷
উল্লেখ্য যে যোৱা 5 ফেব্ৰুৱাৰীৰ পৰা 9 ফেব্ৰুৱাৰীলৈকে গুজৰাটত অনুষ্ঠিত হোৱা ৰাষ্ট্ৰীয় মাষ্টাৰ্ছ গেমছত 400 মিটাৰ আৰু 800 মিটাৰ দৌৰত মণিষা গগৈয়ে তৃতীয় স্থান লাভ কৰি আন্ত:ৰাষ্ট্ৰীয় প্ৰতিযোগিতাখনত যোগদানৰ বাবে যোগ্যতা অৰ্জন কৰে ৷ আৰ্থিকভাৱে দুৰ্বল মণিষাই ব্ৰাজিললৈ যোৱাৰ বাবে চৰকাৰ তথা দল-সংগঠন আৰু সচেতন ৰাইজৰ পৰা আৰ্থিক সাহায্যৰ আহ্বান জনায় ৷
