খুমটাই,২০জুন: "যাৰ শ্ৰমেই দেশৰ আধাৰ, সেই শ্ৰমিকৰ পেঞ্চন সপোন সাকাৰ" এই কথাশাৰীকে মূল মন্ত্ৰ হিচাপে লৈ ভাৰতৰ প্ৰধান মন্ত্ৰী নৰেন্দ্ৰ মোদীয়ে দেশৰ প্ৰতিখন জিলাতেই এই আচঁনিৰ কাম কাৰ্যকৰী কৰিছে । শনিবাৰে খুমটাইৰ চিনাতলী নাট্য মন্দিৰ প্ৰাঙ্গনত গোলাঘাট জিলা প্ৰশাসন আৰু কঠালগুৰি উন্নয়ন খণ্ডৰ উদ্যোগত প্ৰধানমন্ত্ৰী শ্ৰম যোগী মান ধন অসংগঠিত শ্ৰমিকৰ পেঞ্চন আচঁনিৰ এখন সজাগতা সভা অনুষ্ঠিত হৈ যায় ।
১৮ বছৰৰ পৰা ৪০ বছৰ বয়সলৈকে সকলো শ্ৰেণীৰ লোকে এই আচঁনিত অন্তৰ্ভুক্ত হব পাৰিব । এই আচঁনিত অন্তভুক্ত হিতাধীকাৰী সকলে ৬০ বছৰ বয়সৰ পৰা আজীৱন মাহে ৩,০০০ টকাকৈ পেঞ্চন লাভ কৰিবলৈ সক্ষম হব । সজাগতা সভাখনত খুমটাই সমষ্টিৰ বিধায়ক মৃনাল শইকীয়া, DRDAৰ মূখ্য বিষয়া, কঠালগুৰি খণ্ড উন্নয়ন বিষয়া, পঞ্চায়ত সমূহৰ সভাপতি, সম্পাদককে আদি কৰি সমূহ ৱাৰ্ডৰ সদস্য সকলেওঁ অংশগ্ৰহণ কৰে । অনুস্থানটোত দিয়া ভাষণত খুমটাইৰ বিধায়ক মৃনাল শইকীয়াই কয় যে, এই আচঁনিৰ জৰিয়তে সকলো শ্ৰেণীৰ লোক উপকৃত হব । সেয়েহে সকলোকে এই আচঁনীত অন্তৰ্ভুক্ত হবলৈ আহ্বান জনালে বিধায়কগৰাকীয়ে ।
