যোৰহাট, 1 ছেপ্তেম্বৰ : যোৰহাট চহৰৰ পদপথত হাতত এখন গিটাৰ লৈ এজন অসহায় ব্যক্তিৰ জীৱন যুজ ৷ জিলা উপায়ুক্তৰ কাৰ্যালয়ৰ সন্মুখত দৈনিক মাতৃৰ সৈতে ব্যক্তি গৰাকীয়ে চলাই গৈছে জীৱন সংগ্ৰাম ৷ জন্মগতভাবে দৃষ্টিহীন কিন্তু জীৱন যুঁজত হাৰ নমনা পংকজ দত্ত নামৰ লোকজনে মাতৃৰ সৈতে হাতত ভিক্ষাৰ পাত্ৰ লৈ নামিছে জীৱন সংগ্ৰামত ৷
যোৰহাটৰ পানীচকুৱাৰ নিবাসী পংকজ দত্তই একমাত্ৰ এই বৃত্তিৰ জৰিয়তে চলাই গৈছে পৰিয়ালৰ ভোৰণ-পোষণৰ দায়িত্ব ৷ কোনোবাই যদি দুটকা দিছে কোনোবাই আকৌ নিদিয়াকৈ পাৰ হৈছে উক্ত অঞ্চলৰ পৰা কিন্তু কাৰো প্ৰতিয়ে যেন আক্ষেপ নাই লোকজনৰ ৷ কেৱল গীতৰ মাজেৰে পাৰ হৈ যোৱা লোকক সহায় বিচাৰিছে লোকজনে ৷
আনকি, লক ডাউনৰ সময়ত লোকজনে চৰকাৰীভাবে পোৱা চাউল বিক্ৰী কৰি পৰিয়াল পোহপাল দিয়া বুলিও জানিব পৰা গৈছে ৷ যাৰবাবে শেষত উপায়বিহীন হৈ লোকজনে হৃদয়বান লোক তথা চৰকাৰৰ সহায় বিচাৰিছে ৷
লগতে পঢ়ক : কাজিনেমু আৰু কোমল চাউললৈ জি আই টেগ ...
