যোৰহাটত কইনাৰ ঘৰৰ পৰিৱৰ্তে ৰঙাঘৰৰ আলহী হল দৰা

যোৰহাটত সংঘটিত হৈছে এক অবাঞ্চিত ঘটনা ৷ কইনা ঘৰৰ পৰিৱৰ্তে ৰঙাঘৰৰ আলহী হল দৰা ৷

যোৰহাট, 12 মাৰ্চ: যোৰহাটত সংঘটিত হ'ল এক অবাঞ্চিত ঘটনা ৷ বিবাহৰ দিনা কইনাৰ ঘৰত উপস্থিত নহ'ল দৰা ৷ পাছত কইনাৰ এজাহাৰৰ ভিত্তিত গ্ৰেপ্তাৰ হ'ল দৰা আৰু দৰাৰ দেউতাক ৷ ঘটনা অনসৰি মড়িয়নিৰ জয়মতী নগৰৰ বাসিন্দা মিট্ৰাহুল হুছেইনে যোৰহাটৰ বিজয় নগৰৰ এগৰাকী যুৱতীৰে সৈতে নিশ্চিত কৰিছিল বিবাহৰ দিন ৷ ডিচেম্বৰ মাহত দুয়োটা পৰিয়ালৰ সন্মতি মৰ্মে বিবাহৰ দিন হিচাপে 8 মাৰ্চৰ দিনটো বাচি সকলো প্ৰস্তুতি সম্পন্ন কৰিছিল কইনাৰ পৰিয়ালে ৷ আনকি কইনাৰ ঘৰৰ পৰা দৰাৰ ঘৰলৈ দিয়া হৈছিল কইনাৰ লগত দিয়া যাৱতীয় সম্পত্তি ৷ কিন্তু বিবাহৰ দিনা অৰ্থাৎ 8 মাৰ্চ তাৰিখে কইনাৰ ঘৰত উপস্থিত নহ'ল দৰাৰূপী মিট্ৰাহুল হুছেইন ৷ ইয়াৰ পাছতে কইনা ঘৰত সৃষ্টি হয় হাহাকাৰ পৰিস্থিতি ৷

ইয়াৰ পাছতে কইনাৰ পৰিয়ালে সমগ্ৰ ঘটনা সন্দৰ্ভত যোৰহাট সদৰ আৰক্ষী থানাত দাখিল কৰে এক গোচৰ ৷ উক্ত গোচৰৰ এজাহাৰৰ ভিত্তিত আৰক্ষীয়ে মিট্ৰাহুল হুছেইন আৰু দৰাৰ পিতৃ হব্বিবূল হুছেইনক গ্ৰেপ্তাৰ কৰি জেল হাজোতলৈ প্ৰেৰণ কৰিছে ৷ আৰক্ষীয়ে সদৰী কথা অনুসৰি পূৰ্বেও বিবাহ পাশত আৱদ্ধ হৈছিল দৰাৰূপী মিট্ৰাহুল হুছেইন ৷

লগতে পঢ়কঃ বিটিচি নিৰ্বাচনৰ প্ৰাকমূহুৰ্তত বিজেপি বিপিএফৰ বাকযুদ্ধ