টীয়কত বিধ্বংসী অগ্নিকাণ্ডত জাহ গ'ল ঘৰৰ লগতে ভঁৰালৰ ধান

ঘৰুৱা কণ্ডলৰ পৰিণতিত বোৱাৰীয়েকে জ্বলাই দিলে ঘৰ ৷ ঘটনাস্থলীত আৰক্ষী উপস্থিত হৈ ইতিমধ্যে তদন্ত আৰম্ভ কৰিছে।

টীয়ক, 23 এপ্ৰিলঃ টীয়কৰ মুদৈজান ঢেকীয়ানী ভৰলুৱা গাঁৱত অঘটন । ঘৰুৱা কণ্ডলৰ পৰিণতিত বোৱাৰীয়েকে জ্বলাই দিলে ঘৰ ৷ লক ডাউনৰ মাজতে টীয়কৰ মুদৈজান ভৰলুৱা গাঁৱত অঘটন । নন্দেশ্বৰ শইকীয়া নামৰ এগৰাকী বৃদ্ধৰ বাসগৃহত তেওঁৰ বোৱাৰীয়েকে জ্বলাই দিয়াৰ অভিযোগ। অভিযোগ মতে কোনো ঘৰুৱা কন্দলৰ সূত্ৰপাত হৈয়ে বোৱাৰীয়েকে খঙত উত্তেজিত হৈ ভড়াল সংলগ্ন বাসগৃহটো জ্বলাই দিয়ে। স্থানীয় ৰাইজে উক্ত ঘটনাটো আৰক্ষীৰ লগতে অগ্নিনিৰ্বাপক বাহিনীক খবৰ দিয়ে ৷ অৱশ্যে ঘটনাস্থলীত অগ্নিনিৰ্বাপক বাহিনী উপস্থিত হৈ জুই নুমুৱাবলৈ চেষ্টা চলাই যদিও ভঁড়ালৰ ধানকে ধৰি ঘৰুৱা সকলো আচবাব জুইত জাহ যায় । সমগ্ৰ ঘটনা পৰ্যবেক্ষণ কৰি টীয়ক আৰক্ষীয়ে ইতিমধ্যে তদন্ত আৰম্ভ কৰিছে।

লগতে পঢ়ক- তিনি শতাধিক দৰিদ্ৰ পৰিয়ালক ডুমডুমাত সামগ্ৰী বিতৰণ