টীয়ক,24 মে’ : কৰ’ণা প্ৰতিৰোধৰ বাবে ৰাজ্য চৰকাৰে জাৰি কৰা আংশিক লকডাউনে অন্যক্ষেত্ৰৰ লেখীয়াকৈ কৃষিক্ষেত্ৰতো ব্যাপক প্ৰভাৱ পেলোৱা পৰিলক্ষিত হৈছে ৷ বিশেষকৈ দৰিদ্ৰ কৃষকসকলৰ মাজত সৃষ্টি হৈছে হাহাকাৰ পৰিস্থিতিৰ ৷ কিয়নো দোকান-পোহাৰ, বজাৰ বন্ধ হৈ পৰাৰ ফলত বাৰীতে নষ্ট হৈছে উৎপাদিত সামগ্ৰীসমূহ ৷
ইফালে, গ্ৰাম্য অৰ্থনীতিক ত্বৰান্বিত কৰিব পৰাকৈ এচাম যুৱকে কৃষি ঋণ আদি লৈ কৃষিকৰ্মত মনোনিৱেশ কৰিছিল যদিও আংশিক লকডাউনৰ বাবে এতিয়া উৎপাদনস্থলতে নষ্ট হ’বলৈ ধৰিছে কৃষিজাত সামগ্ৰী । প্ৰায় 7 বিঘা মাটিত ব্যৱসায় ভিত্তিত নেমুটেঙা, ভোটজলকীয়াৰ খেতি কৰি স্বাৱলম্বী হোৱাৰ লগতে কেইবাজনো যুৱকক সংস্থাপন দিবলৈ সক্ষম হোৱা টীয়কৰ ভোমোৰা মিচিং গাঁৱৰ মুনীল টাই নামৰ কৃষকৰ বাৰীত নেমু টেঙা নষ্ট হোৱাৰ উপক্ৰম হৈছে ।
টীয়কত কৃষকৰ দুৰাৱস্থা
