যোৰহাট, 20 অক্টোবৰ: দেওবাৰে দীৰ্ঘ দিনৰ মূৰত তিতাবৰ উপস্থিত হয় প্ৰাক্তন মুখ্যমন্ত্ৰী প্ৰফুল্ল কুমাৰ মহন্ত । অসম গণ পৰিষদৰ দলীয় কৰ্মীৰ সৈতে মত বিনিময় কৰে প্ৰাক্তন মুখ্যমন্ত্ৰী গৰাকীয়ে । কেবৰ বিৰোধীতা কৰাৰ লগতে বিজেপি দলে অসমত হাজাৰ হাজাৰ বাংলাদেশী অনুপ্ৰৱেশকাৰী অনাৰ ব্যৱস্থা কৰিছে বুলি কয় প্ৰাক্তন মুখ্যমন্ত্ৰীগৰাকীয়ে ৷ ইয়াৰ লগতে তেওঁ কাছাৰৰ কাগজ কল বন্ধ হোৱাক লৈ সৰব হৈ উঠে ৷ তেওঁ লগতে কয় যে অসমৰ বিভিন্ন সমস্যা সমাধানৰ ক্ষেত্ৰত ব্যৰ্থ হৈছে বিজেপি চৰকাৰ । প্ৰাক্তন মুখ্যমন্ত্ৰী গৰাকীৰ লগত উপস্থিত থাকে তেওঁৰ পত্নী আৰু প্ৰাক্তন সাংসদ জয়শ্ৰী গোস্বামী মহন্ত ৷
অসম গণ পৰিষদৰ দলীয় কৰ্মীৰ সৈতে তিতাবৰত প্ৰাক্তন মুখ্যমন্ত্ৰী প্ৰফুল্ল কুমাৰ মহন্ত
