যোৰহাট, 24 অক্টোবৰ : অসমৰ মুখ্যমন্ত্ৰীৰ পদটো জনজাতিৰ বাবে সংৰক্ষণৰ কৰিব লাগে । তেতিয়া সকলো সমস্যা সমাধান হ’ব ৷ যোৰহাটৰ আৰ্ৱত ভৱনত উপস্থিত হৈ কংগ্ৰেছৰ জেষ্ঠ নেতা ৰকিবুল হুছেইনে এক সংবাদ মেলত এই মন্তব্য কৰে । ৬ জনগোষ্ঠীক জনজাতিকৰণ কৰি অসমৰ মুখ্যমন্ত্ৰীৰ পদটো জনজাতিৰ বাবে সংৰক্ষণ কৰিব লাগে বুলি মন্তব্য কৰে কংগ্ৰেছী নেতা জনে ।
ইয়াৰ লগতে তেওঁ কয় যে, অতি সোনকালে নিঃশেষ হৈ যাব অসম গণ পৰিষদ দল । নতুন আৰ এছ এছ আৰু ন-বিজেপিৰ উৎপাতত নাইকিয়া হ’ল পুৰণি আৰ এছ এছ আৰু বিজেপি । বিজেপিক পৰাভূত কৰাৰ বাবেই নতুন আঞ্চলিক ৰাজনৈতিক দলৰ সৈতে কংগ্ৰেছে মহাযোঁট বন্ধন কৰাৰ লক্ষ্য স্থিৰ কৰিছে বুলি কয় ৰকিবুল হুছেইনে ।
মুখ্যমন্ত্ৰী সৰ্বানন্দ সোণোৱালৰ সমষ্টি মাজুলী ভ্ৰমণ কৰি তেওঁ কয় যে বাহিৰৰ পৰা মাজুলীৰ অৱস্থা ভাল যেন দেখি যদিও মাজুলীৰ কিন্তু দুখ দুৰ্দশা অনেক । টোলগেটৰ বিৰুদ্ধেও সৰৱ হৈ পৰে ৰকিবুল হুছেইন । অখিল গগৈৰ নেতৃত্বত টোলগেটৰ বিৰুদ্ধে চলা আন্দোলন স্তব্ধ কৰাৰ বাবেই অখিল গগৈক মুক্ত কৰি দিয়া নাই বুলি উল্লেখ কৰে মন্ত্ৰীগৰাকীয়ে ।
এ আই ইউ ডি এফৰ লগত মিত্ৰতাৰ সন্দৰ্ভত তেওঁ কয় যে, আলোচনা চলিহে আছে কিন্তু এতিয়াও সেইয়া শেষ হোৱা নাই । বিজেপি চৰকাৰে ৰাজ্যত দমনীয় শাসন প্ৰৱৰ্তন কৰিছে । সেয়ে বিজেপিক প্ৰতিহত কৰিবলৈ ৰাজ্যৰ আঞ্চলিক ৰাজনৈতিক দল সমুহক মহাযোঁট বন্ধনৰ বাবে আহ্বান জনায় ৰকিবুল হুছেইনে ।
লগতে পঢ়ক : বিজেপি শাসন ওফৰাই গঠন কৰিব মিত্ৰজোঁটৰ চৰকাৰ: ৰকিবুল হুছেইন
