যোৰহাট,৬জুলাই : যোৰহাটৰ ইণ্ডিৰা আদৰ্শ গাঁওবাসীৰ একমাত্ৰ ভৰষা টুলুঙা নাও । নাওখনতেই যেন নিহিত হৈ আছে ভৱিষ্যতৰ ৰূপোৱালি সপোন । বৃহত্তৰ অঞ্চলবাসীৰ উপাৰ্জনৰ একমাত্ৰ ভৰষা টুলুঙা নাও । অঞ্চলবাসীয়ে নিৰ্মাণ কৰা নাওসমূহ অসমৰ বিভিন্ন প্ৰান্তলৈ যোগান ধৰা হয় । আনকি এই অঞ্চলটোত নিৰ্মাণিত নাও কাজিৰঙা ৰাষ্ট্ৰীয় উদ্যানতো যোগান ধৰা হৈছিল । কিন্তু এই নৈপৰীয়া ৰাইজৰ একমাত্ৰ সম্বলৰ নাওখন এতিয়া হেৰাই যোৱাৰ পথত । নাও নিৰ্মাণৰ বাবে নৈপৰীয়া ৰাইজৰ অভাৱ মূলধনৰ । কোনো মতে দিন-হাজিৰা কৰি পোৱা ধনেৰেই শিল্পীসকলে নিৰ্মাণ কৰি গৈছে নাও । এতিয়া চৰকাৰলৈ অনুৰোধ নৈপৰীয়াবাসীৰ । টুলুঙা নাও সংৰক্ষণৰ বাবে ব্যৱস্থা গ্ৰহণ কৰক চৰকাৰে ।
নৈপৰীয়া ৰাইজৰ একমাত্ৰ সম্বল এখন নাও
উল্লেখ্য যে, ২০০২ চনত মাজুলীৰ শালমৰাত হোৱা প্ৰলয়ংকাৰী বানত বিধস্ত হোৱা এই লোকসকলক ২০০৪চনত যোৰহাটৰ ইণ্ডিৰা আদৰ্শ গাঁৱত সংস্থাপন দিছিল চৰকাৰে ।
