যোৰহাট, 3 মাৰ্চঃ বাউলী গাভৰুৰ আঁচল উৰুৱাই পিলিঙা ডেকাৰ মন উৰুঙা কৰা এইয়া ফাগুনৰ বতৰ ৷ চঞ্চলা ফাগুন,উন্মনা ফাগুন ৷ শিমলু,মদাৰ,পলাশৰ ৰঙেৰে ৰাঙলী ফাগুন ৷ কোনোৱে ফাগুনক বদনামী ক'ব খুজিলেও আন কোনোৱে আকৌ ফাগুনৰ বুকুত বিচাৰি পায় সৃষ্টিৰ সোপান ৷
সৰাপাতে যেনেকৈ ধূলিৰ আখৰেৰে সোঁৱৰণীৰ পৃষ্ঠা লিখে,ঠিক তেনেকৈ লঠঙা বিৰিখৰ ডাল পাতে দিয়ে নতুনৰ আগমনৰ বতৰা ৷ ফাগুনৰ ৰং লাগি ৰাঙলী হয় ছাঁই বৰণীয়া আকাশ ৷
নিৰাশাৰ মাজতো ফাগুনে কঢ়িয়াই আশাৰ বতৰা
বিদায় ক্ষণত ফাগুনে দিয়ে বসন্তৰ বতৰা ৷ ন বৰষুণৰ পাই পোখা মেলিবলৈ ধৰে বিৰিখৰ ডালত কুঁহিপাতে ৷ কুঁহিপাত মানেই সেউজীয়াৰ বতৰা ৷ ফাগুনৰ বিদায়ৰ লগে লগে সেউজী সাজ পিন্ধি নতুনক আদৰিবলৈ সাজু হয় প্ৰকৃতি ৷ ফাগুনেই যেন প্ৰকৃতিক দি যায় এইদৰে নতুন সাজেৰে সজাৰ অৱকাশ ৷
লগতে পঢ়কঃ আকাশীগংগাৰ তীৰৰ নৈসৰ্গিক পৰিৱেশত এহেজাৰ ছাত্ৰ-ছাত্ৰীৰ সূৰ্য নমস্কাৰ
