টীয়ক, 19 অক্টোবৰঃ :টীয়কৰ জাঁজীত মহিলাক অশালীন ব্যৱহাৰ কৰি ৰঙাঘৰলৈ গ'ল যুৱক ৷ টীয়কৰ জাঁজী দলঙৰ তলত সংঘটিত হয় এই লজ্জাজনক ঘটনাটো ৷ কাপোৰৰ ব্যৱসায়ী কৰা মহিলা এগৰাকীয়ে ঘৰে ঘৰে কাপোৰ বিক্ৰী কৰি গাঁৱৰ পথত গৈ থকা অৱস্থাতে পাছফালৰ পৰা পৰেশ নামৰ এজন যুৱকে মহিলাগৰাকীক মুখত সোপা মাৰি পথৰ কাষৰ পুখুৰীত পেলাই দিয়ে ৷ মহিলাগৰাকীয়ে কোনোমতে চিঞৰ বাখৰ কৰাত ওচৰত ৰাইজ ঘটনাস্হলীত উপস্থিত হৈ মহিলাগৰাকী ৰক্ষা কৰে আৰু অভিযোক্ত যুৱকজনক আৰক্ষীক চমজাই দিয়ে ৷ আৰক্ষীয়ে ইতিমধ্যে টীয়ক এফ আৰ ইউত মহিলাগৰাকীৰ স্বাস্থ্য পৰীক্ষা কৰিছে আৰু অভিযুক্তজনক জেললৈ প্ৰেৰণ কৰাৰ ব্যৱস্থা কৰিছে ৷
টীয়কত মহিলাক অশালীন ব্যৱহাৰ কৰি ৰঙাঘৰলৈ যুৱক
