যোৰহাট, 23 মে’: শনিবাৰে যোৰহাটত কৰ’ণাৰ সৈতে যুঁজ দিয়াসকলক সম্বৰ্ধনা জ্ঞাপন কৰে যোৰহাট জিলা প্ৰশাসনে ৷ যোৰহাটৰ 19 গৰাকী স্বাস্থ্যকৰ্মীক সম্বৰ্ধনা জনায় জিলা প্ৰশাসনে ৷ উল্লেখ্য যে, সম্বৰ্ধনা জনোৱা যোৰহাটৰ এই 19 গৰাকী স্বাস্থ্য কৰ্মী হৈছে যোৰহাটৰ প্ৰথমটো কৰ’ণাৰ সৈতে যুঁজ দিয়া দল ৷
স্বাস্থ্য কৰ্মীক সম্বৰ্ধনা যোৰহাট জিলা প্ৰশাসনৰ
যোৰহাটৰ কৰ’ণা পজিটিভ ওলোৱা প্ৰথমজন ৰোগীৰ চিকিৎসাৰ সময়ত আছিল এই 19 গৰাকী স্বাস্থ্য কৰ্মী ৷ ইয়াৰ পিছত 7 দিন যোৰহাটৰ হোটেল নিকিতাত কোৱাৰেণ্টাইন হিচাপে ৰখা হৈছিল স্বাস্থ্য কৰ্মীকেইজনক ৷ 7 দিন কোৱাৰেণ্টাইনৰ অন্তত পুনৰ মহামাৰী কৰ’ণাৰ বিৰুদ্ধে যুঁজিবলৈ সাজু হৈছে স্বাস্থ্য কৰ্মীকেইজন ৷ স্বাস্থ্য কৰ্মীৰ দলটোত 8 গৰাকী ডাক্তৰসহ 19 গৰাকী চিকিৎসা কৰ্মী আছে বুলি জানিব পৰা গৈছে ৷
লগতে পঢ়ক: গুৱাহাটীত পুণৰ নতুন কন্টেইনমেন্ট জ'ন ঘোষণা প্ৰশাসনৰ
