হোজাই, 23 এপ্ৰিল : ৰাজ্যত অব্যাহত আছে চোৰাং গৰুৰ ৰমৰমীয়া বেহা ৷ বিভিন্ন প্ৰান্তত চোৰাং গৰুসহ সৰবৰাহকাৰীক আটক কৰাৰ সময়তে পুনৰ বৃহস্পতিবাৰে নিশা হোজাই জিলাত আটক কৰা হয় চুৰি গৰুসহ এটা চোৰ ৷ সুধীন দাসৰ নামৰ এজন লোকৰ ঘৰৰ পৰা 20 এপ্ৰিলৰ নিশা চুৰি হৈছিল দুটাকৈ গৰু। তাৰ পাচতে আৰক্ষীৰ কাষ চাপে লোক জনে ৷ লোকজনৰ অভিযোগৰ ভিত্তিতে আৰক্ষীয়ে তদন্ত অব্যাহত ৰাখিছিল যদিও কোনো খবৰ লাভ কৰা নাছিল ৷
হোজাইত আটক চুৰি গৰুসহ চোৰ
উল্লেখ্য যে, বৃহস্পতিবাৰে নিশা হোজাই জিলাৰ লস্কৰ পথাৰত স্থানীয় লোকে এখন বাহনসহ এহাল গৰু আৰু এটা চোৰক আটক কৰে ৷ লগে লগে স্থানীয় লোকে আৰক্ষীক খবৰ দিয়াত চোৰসহ গৰু দুটা জব্দ কৰে ৷ ধৃত চোৰটো ৰাইকাটা ইছলামপুৰৰ আমিৰ হুচেইন বুলি জানিব জানিব পৰা গৈছে ৷ সম্প্ৰতি আৰক্ষীয়ে আমিৰ হুচেইনক লৈ তদন্ত অব্যাহত ৰাখিছে ।
লগতে পঢ়ক: টিপকাইত জব্দ ২৮ টা চোৰাং গৰু
