হোজাই, 23 এপ্ৰিল: কৰ’ণা মহামাৰীৰ দ্বিতীয় ঢৌৱে ৰাজ্যত সৃষ্টি কৰিছে ত্ৰাসৰ ৷ ৰাজ্যত প্ৰতি মুহূৰ্তত বৃদ্ধি পাইছে ক’ভিডত আক্ৰান্ত হোৱা লোকৰ সংখ্যা ৷ হোজাই জিলাটো উদ্বেগজনকভাৱে বৃদ্ধি পাইছে ক’ভিড ৰোগীৰ সংখ্যা ৷
হোজাই জিলাত ক’ভিড ৰোগীৰ সংখ্যা হ্ৰাস তথা ৰোধৰ বাবে হোজাই জিলা প্ৰশাসনে গ্ৰহণ কৰিছে কিছু বিশেষ ব্যৱস্থা ৷ হোজাই জিলা প্ৰশাসনৰ নিৰ্দেশ অনুসৰি সন্ধিয়া ৬ বজাৰ লগে লগে হোজাই জিলাত বন্ধ হৈ পৰে সকলো ব্যৱসায়িক প্ৰতিষ্ঠান ৷
কেৱল হোজাইতে নহয় লংকা আৰু লামডিং পৌৰ সভাৰ অঞ্চলসমূহতো চৰকাৰী নীতি-নিৰ্দেশনা পালন কৰিবলৈ ৰাইজক আহ্বান জনোৱা হৈছে ৷ কেৱল ব্যৱসায়ী সকলেই নহয় সৰ্বসাধাৰণ ৰাইজেও চৰকাৰৰ আহ্বানৰ প্ৰতি সঁহাৰি জনাই হোজাই তথা ইয়াৰ পাৰ্শ্বৱৰ্তী অঞ্চলসমূহত ক’ভিড-১৯ ৰ সকলো নীতি-নিৰ্দেশনা পালন কৰা পৰিলক্ষিত হৈছে ৷
