হোজাইত পথ দুৰ্ঘটনাত আহত মাতৃ-শিশু

তীব্ৰ গতিত অহা কয়দী কঢ়িওৱা বাহনে খুন্দিওৱাৰ ফলত আহত মাতৃ আৰু কন্যা শিশু ৷

হোজাই, 24 জুন : হোজাই জিলাৰ শংকৰদেৱ নগৰৰ আদালতৰ চৌহদত পথ দুৰ্ঘটনা ৷ কয়দী কঢ়িওৱা বাহনে খুন্দা মৰাৰ ফলত আহত শিশু সহ এগৰাকী মহিলা ৷ আহতদ্বয় ক্ৰমে মাহদিয়া বেগম আৰু মিনাৰা বেগম ৷

বৰ্তমানে লংকা হাস্পতালত ভৰ্তি কৰোৱা হৈছে আহত কন্যা শিশুসহ মাতৃক ৷ উল্লেখ্য যে, তীব্ৰ গতিত আহি থকাৰ ফলত গতি নিয়ন্ত্ৰণ কৰিব নোৱাৰি পথৰ দাঁতিত থকা মহিলা আৰু শিশুটিক খুন্দা মাৰে কয়দী কঢ়িওৱা বাহনখনে ৷