হোজাই, 5 জুন : হোজাই জিলাৰ যমুনামুখত শনিবাৰে আৰক্ষীয়ে নিচাজাতীয় দ্রব্যসহ এজন সৰবৰাহকাৰীক আটক কৰে । আটকাধীন সৰবৰাহকাৰীজন বৰজাৰি মাজগাঁৱৰ আফজল হুছেইন ওৰফে ৰাজা বুলি জানিব পৰা হৈছে ৷
যমুনামুখ থানাৰ আৰক্ষী বিষয়া সুৰজ দত্তৰ নেতৃত্বত এটা দলে চলায় এই অভিযান ৷ অভিযানৰ সময়ত আৰক্ষীৰ দলটোৱে যমুনামুখৰ বালিৰাম পথাৰৰ পৰা ১২ টা নিচাজাতীয় কফ চিৰাপৰ সৈতে সৰবৰাহকাৰীটোক আটক কৰে ৷
আফজল হুছেইন ওৰফে ৰাজাই দীৰ্ঘদিনৰ পৰা যমুনামুখত নিচাজাতীয় দ্রব্যৰ ৰমৰমীয়া ব্যৱসায় চলায় অহাৰ অভিযোগ উত্থাপন হৈছিল । বর্তমান যমুনামুখ আৰক্ষীয়ে আফজল হুছেইনৰ জেৰা অব্যাহত ৰাখিছে ।
উল্লেখ্য যে, হোজাই জিলাত নতুনকৈ কাৰ্যভাৰ গ্ৰহণ কৰা আৰক্ষী অধীক্ষক বৰুণ পুৰকায়স্থই ড্ৰাগছৰ বিৰুদ্ধে অভিযান তীব্রতৰ কৰি তুলিছে ।
লগতে পঢ়ক : বৰপথাৰৰ দৈয়াং নৈৰ ওপৰেৰে ৰাইজৰ বিপদসংকুল যাত্ৰা
