হোজাই, 20এপ্ৰিলঃ পশ্চিম কাৰ্বি আংলঙৰ খেৰণিত লক ডাউন ভংগ কৰি শতাধিক লোকৰ জন সমাগম । এডাল প্ৰকাণ্ড অজগৰ চাবলৈ হেতাওপৰা লগালে ৰাইজে ৷
লক ডাউনৰ মাজতে পশ্চিম কাৰ্বি আংলঙৰ খেৰণিৰ আমতলা গাঁৱত হঠাৎ লাগিল এক হুৱাদুৱা । উল্লেখযোগ্য যে,এজোপা গছত থকা এডাল প্ৰকাণ্ড অজগৰক কেন্দ্ৰ কৰিয়ে গাওঁখনত হঠাৎ জনসমাগম হয় । গছত থকা অজগৰ ডালক চোৱাৰ বাবে কোনো সামাজিক দুৰত্ব বজাই নাৰাখি হেতাওপৰা লাগে ৰাইজে ৷ ফলত নিমিষতে ভংগ হয় লক ডাউন ব্যৱস্থা । স্থানীয় লোকে উক্ত ঘটনাটি বন বিভাগৰ লোকক অৱগত কৰাত বনকৰ্মী উপস্থিত হৈ অজগৰ ডালক উদ্ধাৰ কৰাৰ লগতে আমৰেং বনাঞ্চলত মুকলি কৰি দিয়ে । কিন্তু চৰকাৰে ঘোষণা কৰা লক ডাউন অমান্য কৰি ৰাইজৰ জনসমাগমক লৈ একাংশ সচেতন মহলত সৃষ্টি হৈছে চাঞ্চল্যৰ ৷
লগতে পঢ়ক- হৃদয় বিদাৰক ! কৰ্ণাটকত লকডাউনৰ মাজতে অনাহাৰীৰ কান্দোন
