হোজাইত জব্দ বৃহৎ পৰিমাণৰ অবৈধ চেগুন গছৰ কুণ্ডা

মইনাপুৰ অঞ্চলৰ সংৰক্ষিত বনাঞ্চলৰ দাঁতিত ৰখাই থোৱা অৱস্থাত বন বিভাগে এখন গাড়ী সহ গছৰ কুণ্ডা সমূহ জব্দ কৰে ৷

হোজাই , 28 মে': বনাঞ্চলৰ গছ কাটি তহিলং কৰা চোৰাং বেপাৰীৰ বিৰুদ্ধে হোজাই বন বিভাগে এক অভিযান চলায় ৷ পুৱতি নিশা চলোৱা এই অভিযানত বন বিভাগে 16 টা চেগুন গছৰ কুণ্ডা আৰু AS-02-BC-1495 নম্বৰৰ এখন বলেৰ' পিকআপ গাড়ী জব্দ কৰে ৷

জানিব পৰা মতে মইনাপুৰ অঞ্চলৰ সংৰক্ষিত বনাঞ্চলৰ দাঁতিত ৰখাই থোৱা অৱস্থাত বন বিভাগে গাড়ী সহ গছৰ কুণ্ডা সমূহ জব্দ কৰে ৷ ইপিনে বন বিভাগৰ অভিযানৰ উমান পাই সৰবৰাহকাৰীয়ে গাড়ী এৰি পলায়ন কৰে ৷ অৱশ্যে সৰবৰাহকাৰীৰ সন্ধানত বন বিভাগে অভিযান অব্যাহত ৰাখিছে ৷ জব্দ কৃত চেগুন গছৰ কুণ্ডা সমূহৰ মূল্য প্ৰায় 35 হাজাৰ টকা বুলি অনুমান কৰে বন বিভাগে ৷