হোজাই, 19 নৱেম্বৰ: অৱশেষত 48 ঘন্টাৰ ভিতৰত হোজাই আৰক্ষীয়ে আটক কৰিলে চহৰখনৰৰ যোগীজান অঞ্চলৰ এগৰাকী হিন্দু যুৱতীক ভুৱা পৰিচয়েৰে প্ৰেমৰ জালত পেলাই পলুৱাই নিয়া আহমেদ নগৰৰ ফইজুল হক নামৰ এজন মুছলমান যুৱকক ৷ এক সংবাদমেল যোগে এই কথা সদৰী কৰিলে হোজাইৰ আৰক্ষী অধীক্ষক অংকুৰ জৈনে ৷ উল্লেখযোগ্য যে, যুৱতীগৰাকীক পলুৱাই গুপুত স্থানলৈ লৈ যোৱাৰ পাছতে অভিযুক্ত যুৱকজনক গ্ৰেপ্তাৰৰ দাবীত হোজাইত বিভিন্ন দল সংগঠনতে উত্তাল প্ৰতিবাদ সাব্যস্ত কৰিছিল ৷ যাৰ পৰৱৰ্তী সময়ত আৰক্ষী-প্ৰশাসনে 48 ঘন্টাৰ সময়সীমাৰ ভিতৰত যুৱকজনক গ্ৰেপ্তাৰ কৰিব বুলি ৰাইজক প্ৰতিশ্ৰুতি প্ৰদান কৰিছিল ৷ প্ৰতিশ্ৰুতি অনুসৰিয়ে 48 ঘণ্টাৰ ভিতৰতেই বিশেষ সূত্ৰৰ পম খেদি মৰিগাঁওৰ আৰক্ষী অধীক্ষকৰ সহযোগত মায়ঙৰ পৰা উদ্ধাৰ কৰা হল কিশোৰী গৰাকীক ।
ইফালে সাংবাদমেল যোগে আৰক্ষী অধীক্ষক অংকুৰ জৈনে সদৰী কৰে যে, ঘটনা সংক্ৰান্তত মূল অভিযুক্ত ফইজুল হককে ধৰি আন 11 জন লোকক গ্ৰেপ্তাৰ কৰা হৈছে ৷ পূৰ্বতে তাৰে 5 জনক আৰক্ষীয়ে ইতিমধ্যে জেল হাজেতলৈ প্ৰেৰণ কৰিছে আৰু মূল অভিযুক্তক গ্ৰেপ্তাৰৰ পাছত অভিযুক্তসহ মুঠ সাতজন লোকক আৰক্ষীয়ে জেললৈ প্ৰেৰণ কৰাৰ ব্যৱস্থা গ্ৰহণ কৰিছে ৷
আৰু পঢ়ক: পুনৰ চৰ্চাত লাভ জেহাদ !
