হোজাইত পথ দুৰ্ঘটনা, আহত এজন

হোজাইৰ কাকীত পথ দুৰ্ঘটনাৰ ফলত আহত এজন শিক্ষক ৷ নিজ সন্তানক বিদ্যালয়ত থৈ ওভতি অহাৰ সময়তে বিপৰীত দিশৰপৰা আহি থকা এখন টাটা টিগৰ গাড়ীয়ে খুন্দিয়াই শিক্ষকজনক ৷

হোজাই, ২৯ মাৰ্চঃশুকুৰবাৰে হোজাই জিলাৰ কাকীত সংঘটিত হয় ভয়ংকৰ পথ দুৰ্ঘটনা । কাকী-ভালুকমাৰী পথৰে এজন শিক্ষকে নিজ সন্তানক বিদ্যালয়তথৈ ওভতি অহাৰ সময়তে বিপৰীত দিশৰপৰা আহি থকা এখন টাটা টিগৰ গাড়ীয়ে খুন্দিয়াই ।

এই দুৰ্ঘটনাত গুৰুতৰ ভাৱে আহত হয় শিক্ষকজন । আঘাতপ্ৰাপ্ত শিক্ষকজনক স্থানীয় ৰাইজে ততাতৈয়াকৈ উন্নত চিকিৎসাৰ বাবে হোজাইলৈপ্ৰেৰণ কৰে । ইপিনে, দুৰ্ঘটনা সংঘটিত কৰিয়েই গাড়ীখনৰ চালকজনে পলায়নকৰে যদিও ঘটনাস্থলীত আৰক্ষী উপস্থিত হৈ তদন্ত অব্যাহত ৰাখিছে।