হোজাই, 14 অক্টোবৰঃ হোজাইত খাদ্য আৰু অসামৰিক যোগান বিভাগৰ অভিযান ৷ এই অভিযানত জব্দ বৃহৎ পৰিমাণৰ অবৈধ ভাৱে বিক্ৰী কৰা পেট্ৰ'ল ৷ হোজাই জিলাৰ জোৰাপুখুৰী, উদালী আৰু লংকাৰ দাতিকাষৰীয়া অঞ্চলসমূহত পথৰ কাষৰ কিছু দোকানত বহু দিনৰ পৰা অবৈধ ভাৱে পেট্ৰ'ল বিক্ৰী কৰি আছিল একাংশ ব্যৱসায়ীয়ে ৷ হোজাই জিলা উপায়ুক্তৰ নিৰ্দেশত অবৈধ ভাৱে বিক্ৰী কৰি থকা পেট্ৰ'লৰ বিৰুদ্ধে চলা এই অভিযানত জব্দ কৰে প্ৰায় এঘাৰ হাজাৰ টকাৰ 143 লিটাৰ পেট্ৰ'ল | বৰ্তমান জব্দকৃত পেট্ৰ'লখিনি লংকাৰ ইণ্ডিয়ান অইল তেল ডিপোৰ জিম্মাত ৰখা হৈছে ৷ এই অভিযানত কোনো ব্যৱয়ায়ীকে এই পৰ্যন্ত আটক কৰা হোৱা নাই ৷
হোজাই খাদ্য আৰু অসামৰিক যোগান বিভাগৰ অভিযানত জব্দ অবৈধ পেট্ৰ'ল
