হোজাই,25 আগষ্ট: ব্যৱসায়িক উদ্দেশ্য়ত হোজাই জিলাত চাৰিদিনীয়া ভ্ৰমণসূচীৰে শ্ৰীলংকা ক্ৰিকেট দলৰ প্ৰাক্তন খেলুৱৈ তথা আন্ত:ৰাষ্ট্ৰীয় আম্পায়াৰ কুমাৰ ধৰ্মসেনা(SriLanka cricket player Kumar Dharma sena) । হোজাইত উপস্থিত হৈয়ে শ্ৰীলংকাৰ খেলুৱৈগৰাকীয়ে দংকীগাওঁস্থিত জেড ব্লেক ডাইমণ্ড আগৰউড কোম্পানীত উপস্থিত হয় । প্ৰাক্তন ক্ৰিকেটাৰ তথা আম্পায়াৰ গৰাকীক উষ্ম আদৰণি জনায় জেড ব্লেক ডাইমণ্ড আগৰউড কোম্পানীৰ স্বত্বাধিকাৰীগৰাকীয়ে ।
আন্তঃৰাষ্ট্ৰীয় বজাৰত যথেষ্ট চাহিদাসম্পন্ন অগৰু ব্যৱসায়ত বিনিয়োগ কৰাৰ উদ্দেশ্য়ৰে অসমত উপস্থিত হয় প্ৰাক্তন ক্ৰিকেটাৰ গৰাকী(Investment purpose on Agar Wood Business) । অগৰু গছত ব্যৱহৃত ঔষধ বিশ্ববিখ্যাত সেয়ে অসমত বিনিয়োগ তথা বহিঃদেশলৈ ক্ৰয় কৰি নিয়াৰ বাবে ৰাজ্যখনত উপস্থিত হয় প্ৰাক্তন ক্ৰিকেটাৰ গৰাকী । চাৰিদিনীয়া ভ্ৰমণসূচী লৈ অসমলৈ অহা ক্ৰিকেটাৰগৰাকী আজি অসমৰ পৰা শ্ৰীলংকালৈ ঘূৰি যোৱাৰ কথা ।
শ্ৰীলংকাৰ পৰিস্থিতি পূৰ্বতকৈ যথেষ্ট উন্নত হোৱা বুলি সাংবাদিকৰ আগত মন্তব্য আগবঢ়াই শ্ৰীলংকাৰ খেলুৱৈগৰাকীয়ে(Current situation of Sri Lanka) ৷ সাংবাদিকৰ আগত 'জয় আই অসম' ধ্বনি দিয়ে শ্ৰীলংকাৰ খেলুৱৈগৰাকীয়ে ৷
লগতে পঢ়ক: ২৫ বছৰত এটা পৰিয়ালৰে ১২ জনক সৰ্প দংশন, মৃত্যু ৫ জনৰ
