হোজাইত শ্ৰীকৃষ্ণ ৰাসলীলাৰ বাবে ব্য়াপক প্ৰস্তুতি

সাৰ্বজনীন ৰাসলীলা উদযাপনক লৈ ব্যাপক প্ৰস্তুতি চলিছে হোজাইত । ৰাসৰ আখৰাত ব্যস্ত হৈ পৰিছে মুদৈয়নী আৰু বালিসত্ৰৰ যুৱক-যুৱতীৰ লগতে জ্যেষ্ঠসকলেও।

হোজাই, ২৩ নৱেম্বৰ: কৰ'ণাসৃষ্ট পৰিস্থিতিৰ মাজতে অনুষ্টুপীয়াকৈ শ্ৰীকৃষ্ণৰ ৰাসলীলা উদযাপনৰ বাবে হোজাইৰ ৩নং কাকীৰ মুদৈয়নী আৰু বালিসত্ৰৰ ৰাইজে যো-জা চলাইছে। ৰাসৰ গীত, বাঁহীৰ সুৰত মুখৰিত হৈ পৰিছে মুদৈয়নী আৰু বালিসত্ৰৰ আকাশ-বতাহ । মুদৈয়নী আৰু বালিসত্ৰ সাৰ্বজনীন শ্ৰীকৃষ্ণ ৰাসলীলাৰ বাবে আখৰাত ব্যস্ত হৈ পৰিছে কিশোৰ-কিশোৰী, যুৱক-যুৱতী আৰু জ্যেষ্ঠসকল।

ৰাসৰ গীত, বাঁহীৰ সুৰত মুখৰিত মুদৈয়নী-বালিসত্ৰৰ আকাশ-বতাহ

দুদিনীয়া কাৰ্যসূচীৰে অনুষ্ঠিত হ'ব ৰাস মহোৎৱৱখনি। পূৰ্বৰ দৰে নহ'লেও ৰাইজে পৰম্পৰা অক্ষুণ্ণ ৰাখি মহাৰাসৰ আয়োজন কৰিছে। শ্ৰী কৃষ্ণৰ লীলাক নাটকীয় ৰূপত উপস্থাপন কৰিবলৈ আখৰা কৰিছে গাঁৱৰ যুৱতীসকলে। COVID-19ৰ প্ৰট'কল মানিহে ৰাস মহোৎসৱ অনুষ্ঠিত কৰা হ'ব বুলি জানিবলৈ দিছে উদ্যোক্তাসকলে ।

লগতে পঢ়ক:অনন্ত ধামলৈ প্ৰাক্তন মুখ্যমন্ত্ৰী তৰুণ গগৈ...