যোগান বিভাগৰ অভিযানত জব্দ 80 টা চিলিণ্ডাৰ

উপায়ুক্তৰ নিৰ্দেশমৰ্মে যোগান বিভাগ আৰু জিলা প্ৰশাসনে যুটীয়াভাৱে অভিযান চলাই মাজগাঁও আৰু কামাৰ গাঁৱৰ পৰা 80 টাকৈ অবৈধ চিলিণ্ডাৰ জব্দ কৰে বুলি জানিবলৈ দিয়ে অভিযানকাৰী দলটোৱে ৷

হোজাই, 21 জুনঃ হোজাই জিলা উপায়ুক্তৰ নিৰ্দেশমৰ্মে যোগান বিভাগ আৰু জিলা প্ৰশাসনে অবৈধ গেছৰ ব্যৱসায়ৰ বিৰুদ্ধে যুটীয়াভাৱে এক অভিযান চলায় ৷ এক গোপন সূত্ৰৰ খবৰৰ ভিত্তিত অভিযানকাৰী দলটোৱে দুঠাইত অভিযান চলাই অবৈধ চিলিণ্ডাৰ জব্দ কৰে বুলি জানিবলৈ দিয়ে ৷ ইতিমধ্যে 80 টাকৈ চিলিণ্ডাৰ অভিযানকাৰী দলটোৱে জব্দ কৰা বুলি উল্লেখ কৰে ৷

মাজগাঁৱৰ আফাজ আটিয়া আৰু যমুনামুখৰ কামাৰ গাঁৱৰ মণি ৰয়ৰ বাসগৃহত অভিযান চলাই অভিযানকাৰী দলটোৱে চিলিণ্ডাৰ কেইটা জব্দ কৰে ৷ সমগ্ৰ বিষয় সন্দৰ্ভত অতি শীঘ্ৰেই তদন্ত কৰা হ'ব বুলি জানিবলৈ দিয়াৰ লগতে, পৰৱৰ্তী সয়মতো ভিন্ন এলেকাত তেওঁলোকৰ অভিযান অব্যাহত থাকিব বুলিও জানিবলৈ দিয়ে যোগান বিষয়া আৰু চক্ৰ বিষয়াই ৷

লগতে পঢ়কঃ মীন আইন ভংগকাৰীৰ বিৰুদ্ধে বৰপেটা জিলা মীন বিভাগৰ অভিযান