দহ বছৰীয়া শিশুৰ মৃতদেহ উদ্ধাৰক লৈ হোজাইত চাঞ্চল্য

মঙলবাৰৰ পৰা নিখোঁজ হৈ আছিল শিশুটি

হোজাই, ৭ মাৰ্চ : হোজাইৰ মোৰাঝাৰত এটি দহ বছৰীয়া শিশুৰ মৃতদেহ উদ্ধাৰক লৈ অঞ্চলটোত সৃষ্টি হৈছে চাঞ্চল্যৰ । মঙলবাৰৰ পৰা নিখোঁজ হৈ আছিল মোৰাঝাৰ আৰক্ষী থানাৰ ১ নং চামৰআলী গাৱৰ জাকিৰ হুছেইনৰ পুত্ৰ আৰমান আলী চৌধুৰী নামৰ শিশুটি । ঘৰৰ কাষতে থকা ১ নং চামৰ আলী গাঁৱৰ জামে মছজিদত অনুষ্ঠিত হোৱা ওৱাজ মেহফিলত অংশগ্ৰহণ কৰিবলৈ যোৱাৰ সময়ৰ পৰাই নিৰুদ্দেশ হৈ আছিল শিশুটি । ইপিনে কোনো দুৰ্বৃত্তই শিশুটিক হত্যা কৰি পেলাই থৈ যোৱাৰ সন্দেহ প্ৰকাশ পৰিয়ালৰ লোকৰ ৷

কিশোৰটো নিৰুদ্দেশ হোৱাত মঙলবাৰেই পৰিয়ালৰ লোকে মোৰাঝাৰ আৰক্ষী থানাত দাখিল কৰিছিল এজাহাৰ । যদিও মৃতদেহটো প্ৰত্যক্ষ কৰি স্থানীয় লোকে মোৰাঝাৰ আৰক্ষীক খবৰ দিয়াত আৰক্ষীয়ে ঘটনাস্থলিত উপস্থিত হৈ মৃতদেহটো উদ্ধাৰ কৰি বৃহস্পতিবাৰে পুৱা মৰণোত্তৰ পৰীক্ষাৰ বাবে নগাওঁ অসামৰিক চিকিৎসালয়লৈ প্ৰেৰণ কৰে ৷