হাইলাকান্দি, 23 মাৰ্চঃ"মোডী উপাধিৰ লোকে সকলো চুৰিকৰিব পাৰে"- এই ব্যক্তব্য কৰিছে কৰিমগঞ্জৰ কংগ্ৰেছী বিধায়ক কমলাক্ষ দে' পুৰকায়স্থই ৷ কৰিমগঞ্জ লোকসভা সমষ্টিৰ কংগ্ৰেছী প্ৰাৰ্থী স্বৰূপ দাসৰ সমৰ্থনত হাইলাকান্দিৰ কংগ্ৰেছ কাৰ্যালয়ত অনুষ্ঠিত এখন সভাত এই মন্তব্য কৰাৰ লগতে সাংবাদিকৰ সৈতে হোৱা কথা বতৰাতো একেই মন্তব্য প্ৰকাশ কৰে বিধায়কগৰাকীয়ে ৷
মোডী উপাধিৰ লোকে সকলো চোৰ কৰিব পাৰেঃ কমলাক্ষ দে' বিধায়কগৰাকীয়ে মন্তব্যত নীৰৱমোডী, ললিত মোডী, সুশীল মোডীৰ লুন্ঠনৰ প্ৰসংগৰ উদাহৰণদিয়াৰ লগতে প্ৰধানমন্ত্ৰী নৰেন্দ্ৰ মোডীয়ে পি এম ডিৰ অধীনত এহেজাৰ কোটি টকাৰ দুৰ্নীতি সংঘটিত কৰা বুলি অভিযোগ কৰে ৷ মোডী উপাধিৰ লোকে লুন্ঠন-দুৰ্নীতি সংঘটিত কৰিলেও কোনো আইনী ব্যবস্থা গ্ৰহণ কৰা নহয় বুলিও কয় কংগ্ৰেছী বিধায়কগৰাকীয়ে ৷ ইপিনে মোডীক বাদ দি ৰাহুল গান্ধীক দেশৰ প্ৰধানমন্ত্ৰী বনাবলৈ কংগ্ৰেছক ভোট দিবলৈ আহ্বান জনায় পুৰকায়স্থই ৷
