হাইলাকান্দিত পথৰ দাঁতিত নৱজাতক উদ্ধাৰ

হাইলাকান্দিত পথৰ দাঁতিত উদ্ধাৰ হৈছে এক নৱজাতক ৷ বিগত দুদিন পূৰ্বে জন্ম হোৱা নৱজাতকটি হাবিৰ মাজৰ পৰা স্থানীয় ৰাইজে উদ্ধাৰ কৰি আৰক্ষীৰ উপস্থিতিত গতাই দিয়ে চাইল্ড লাইনক ৷ বৰ্তমান চাইল্ড লাইন কৰ্তৃপক্ষৰ জিম্মাত থকা নৱজাতকটি কন্যা সন্তান বুলি জানিব পৰা গৈছে ৷

হাইলাকান্দি,28 জুলাই: হাইলাকান্দিত উদ্ধাৰ হৈছে মাত্ৰ দুদিন পূৰ্বে জন্ম লাভ কৰা এক নৱজাতক ৷ জীৱ শ্ৰেষ্ঠক লজ্জানত কৰি হাবিৰ মাজত কোনো অজ্ঞাত লোকে পেলাই থৈ যোৱা নৱজাতকটি উদ্ধাৰ কৰে স্থানীয় ৰাইজে ৷ উক্ত ঘটনা সংঘটিত হৈছে হাইলাকান্দিৰ কাটলিছেড়া বিধানসভা সমষ্টিৰ অন্তৰ্গত সোলতানি চাহ বাগিচাত । বাগিচাখনৰ মাজেৰে পাৰ হোৱা ১৫৪ নং ৰাষ্ট্ৰীয় ঘাইপথৰ সমীপত হাবিৰ মাজত কেঁচুৱাৰ কান্দোন শুনি স্থানীয় ৰাইজ উপস্থিত হৈ উদ্ধাৰ কৰে নৱজাতকটি ৷ নৱজাতকটিক উদ্ধাৰ কৰি চিকিৎসাৰ অৰ্থে প্ৰেৰণ কৰা হয় স্থানীয় প্ৰাথমিক চিকিৎসালয়লৈ ৷ পৰৱৰ্তী সময়ত ৰাইজে আৰক্ষীক বিষয়টো অৱগত কৰাত চিকিৎসালয়ত আৰক্ষী উপস্থিত হৈ ৰাইজৰ হাতৰ পৰা চমজি লয় নৱজাতকটিক ৷