হাইলাকান্দি, 7 আগষ্টঃ জনপ্ৰতিনিধিক ভোট নিদিয়াৰ বাবেই যাতায়াতৰ বাবে জীয়াতু ভুগিব লগীয়া হৈছে হাইলাকান্দিৰ এখন গাঁৱৰ ৰাইজে ৷ পথৰ অভাৱত পথাৰেৰে অহা-যোৱা কৰিবলগীয়া হৈছে গঞা ৷ হাইলাকান্দি জিলাৰ অন্তৰ্গত মাটিজুৰি সামাৰিকোনা গাঁৱত যাতায়তৰ বাবে থকা একমাত্ৰ দলঙখন জিলা পৰিষদ সদস্যাৰ নিৰ্দেশত ভাঙি পেলোৱাৰ অভিযোগ স্থানীয় ৰাইজৰ ৷
উল্লেখ্য যে, গাঁওখনৰ ৰাইজে যাতায়াতৰ বাবে নিজে সাজি উলিয়াইছিল অস্থায়ী এখন বাঁহৰ দলঙ ৷ কিন্তু ৰাইজৰ অভিযোগ অনুসৰি পঞ্চায়ত নিৰ্বাচনত জিলা পৰিষদ সদস্যা সাৰিনা য়াচমিনক ভোট নিদিয়াৰ বাবে তেখেতে পথটো নিৰ্মান কৰিবলৈ অমান্তি হয় ৷ লগতে তেখেতৰ প্ৰতিনিধি ইকবাল হুছেইন মজুমদাৰে ৰাইজে নিজে সাঁজি উলিওৱা দলঙখনো ভাঙি পোলোৱাৰ অভিযোগ তুলিছে ৰাইজে ৷ ইমানৰ পিছতো তেখেতৰ বিৰুদ্ধে প্ৰশাসনে কোনো ব্যৱস্থা গ্ৰহণ নকৰাত ক্ষুদ্ধ হৈ পৰিছে অঞ্চলটোৰ ৰাইজ ৷
লগতে পঢ়ক-নতুন ৰাজনৈতিক সমীকৰণৰ অংকত ব্যস্ত নেকি প্ৰফুল্ল মহন্ত!
