হাইলাকান্দি,16 এপ্ৰিলঃ সোমবাৰে আলগাপুৰ বজাৰত কৰিমগঞ্জ সমষ্টিৰ AIUDF প্ৰাৰ্থী ৰাধেশ্যাম বিশ্বাসৰ হৈ এক জনসভাত অংশ লৈছিল ধুবুৰীৰ সাংসদ বদৰুদ্দিন আজমলে । সভাৰ সময় নিশা ৯ বজালৈকে নিৰ্ধাৰিত আছিল যদিও সময় পাৰ হোৱাৰ পিচতো সভা চলি থকাত বাধা প্ৰদান কৰিছিল জিলা প্ৰশাসনৰ SST দলে। পিচত স্থানীয় কংগ্ৰেছ কৰ্মীসকলৰ অভিযোগত সভা বন্ধ কৰিবলৈ গৈছিল প্ৰশাসনৰ SST দল ।
হাইলাকান্দিত আজমলৰ সভাত উত্তেজনা
কিন্তু SST দল উপস্থিত হৈ নিৰ্বাচনী প্ৰচাৰৰ উদ্দেশ্যে বদৰুদ্দিন আজমলক অতিৰিক্ত পাঁচ মিনিট সময় প্ৰদান কৰিলে জিলা প্ৰশাসনে । এই অতিৰিক্ত সময় প্ৰদান কৰাক লৈ AIUDF আৰু কংগ্ৰেছ সমৰ্থকৰ মাজত সৃষ্টি হয় তীব্ৰ বাক বিতণ্ডাৰ । অৱশেষত স্থানীয় আৰক্ষী উপস্থিত হৈ পৰিস্থিতি নিয়ন্ত্ৰণ কৰিবলৈ সক্ষম হয় ৷
