হাইলাকান্দি,1 মাৰ্চ: আৰক্ষীৰ কটকটীয়া নিৰাপত্তাৰ পাছতো ৰাজ্যত অব্যাহত ড্ৰাগছৰ চোৰাং বেহা ৷ প্ৰায় প্ৰত্যেক দিনাই ৰাজ্যৰ ভিন্ন প্ৰান্ত অবৈধ ড্ৰাগছ সৰবৰাহকাৰী আটক হোৱাৰ ঘটনাই স্পষ্ট কৰিছে এই কথা ৷ দেওবাৰে হাইলাকান্দি আৰক্ষীৰ অভিযানত ড্ৰাগছসহ আটক হয় আব্দুল ৰছিদ শেখ নামৰ এজন অবৈধ ড্ৰাগছ ব্যৱসায়ী ৷ আৰক্ষীৰ অভিযানৰ সময়ত 154 নং ৰাষ্ট্ৰীয় ঘাইপথেৰে হাইলাকান্দি অভিমুখে আহি থকা অবস্থাতে বোৱালিপাৰ অঞ্চলৰ পৰা আৰক্ষীয়ে গ্ৰেপ্তাৰ কৰে ধৃত ড্ৰাগছ বিক্ৰেতা গৰাকীক ৷
হাইলাকান্দিত ড্ৰাগছসহ আটক চোৰাং ব্যৱসায়ী
উল্লেখ্য যে ধৃত ব্যৱসায়ী জনৰ পৰা আৰক্ষীয়ে জব্দ কৰে ১ কিল' ৭০ গ্ৰাম নিচা জাতীয় দ্ৰব্য ৷ যাৰ ভিতৰত আছে 10 হাজাৰ 337 টা ইয়াবা টেবলেট ৷ এই টেবলেট খিনিৰ বজাৰ মূল্য 8 লাখৰো অধিক হ'ব বুলি জানিবলৈ দিছে আৰক্ষীয়ে ৷
লগতে পঢ়কঃ ৰাষ্ট্ৰীয় নাগৰিকপঞ্জীত অন্তৰ্ভুক্ত নাগৰিকলৈ আহিল ডি ভোটাৰৰ জাননী
