গোলাঘাট, 18 ছেপ্তেম্বৰ: গোলাঘাট জিলাৰ দেৰগাঁৱৰ বৰুৱা বামুণ গাঁও ৰে’ল গেটত বৃহস্পতিবাৰে নিশা উদ্ধাৰ হৈছে এটা বৃহৎ কাছ ৷ বৰুৱা বামুণ গাঁও ৰে’লগেটত কৰ্তব্যৰত গাঁওৰক্ষী বাহিনীয়ে উদ্ধাৰ কৰে কাছটো ৷
দেৰগাঁৱৰ ৰে’ল গেটত উদ্ধাৰ বৃহৎ কাছ
উদ্ধাৰ হোৱা কাছটোৰ ওজন প্ৰায় 15 কেজি বুলি জানিব পৰা গৈছে ৷ শুকুৰবাৰে পুৱাৰ ভাগত ঘটনাস্থলীত উপস্থিত হয় বন বিভাগ আৰু আৰক্ষীৰ দল ৷ সম্প্ৰতি এই বৃহৎ কাছটো শ্ৰী শ্ৰী আঠখেলীয়া নামঘৰৰ পুখুৰীত এৰি দিয়াৰ সিদ্ধান্ত লোৱা বুলি বনবিভাগে জানিবলৈ দিয়ে ৷
লগতে পঢ়ক: পূৱ বিলাসীপাৰাৰ চাপৰৰ উচ্ছেদিত পৰিয়ালৰ কাষত জমিয়ত উলেমা
