লাভলিনা বৰগোহাঁইৰ সফলতাত গৌৰৱান্বিত সৰুপথাৰবাসী

চলিত বৰ্ষৰ এছিয়ান বক্সিং চেম্পিয়নশ্বিপত অসম কন্যা লাভলীনা বৰগোহাঁয়ে ব্ৰঞ্জৰ পদক লাভ কৰি অসমলৈ গৌৰৱ কঢ়িয়াই অনাৰ পাচতে সমগ্ৰ অসমবাসীৰ লগতে গৌৰৱান্বিত হৈছে সৰুপথাৰবাসী ৷ স্থানীয় ৰাইজৰ লগতে দল-সংগঠনসমূহেও শুভেচ্ছা জনাইছে বক্সাৰ লাভলীনাক ৷

সৰুপথাৰ,2 জুন : ডুবাইত অনুষ্ঠিত হোৱা এছিয়ান বক্সিং চেম্পিয়নশ্বিপত ব্ৰঞ্জৰ পদক লাভ কৰা অসমৰ লাভলীনা বৰগোহাঁইৰ সফলতাক লৈ গৌৰৱ অনুভৱ কৰিছে ৰাজ্যবাসীৰ লগতে সৰুপথাৰৰ ৰাইজে ৷ বুধবাৰে গোলাঘাট জিলাৰ অ’বিচি মৰ্চাৰ সাধাৰণ সম্পাদক জ্যোতিৰঞ্জন বৰাই বক্সাৰগৰাকীক শুভেচ্ছা জনায় ৷

ইয়াৰ লগতে বক্সিঙৰ ক্ষেত্ৰখনত লাভলীনাই জয়ৰ ধাৰা অব্যাহত ৰাখি আগুৱাই যোৱাতো কামনা কৰে অ’বিচি মৰ্চাই । ইয়াৰোপৰি গোলাঘাট জিলাৰ আছুৰ শিক্ষা সম্পাদক ৰিকী বৰায়ো লাভলীনাক শুভেচ্ছা জ্ঞাপন কৰে ৷

উল্লেখ্য যে, চলিত বৰ্ষৰ এছিয়ান বক্সিং চেম্পিয়নশ্বিপত ৬৯ কিল’গ্ৰাম শাখাত ব্ৰঞ্জৰ পদক লাভ কৰি পুনৰ অসমলৈ গৌৰৱ কঢ়িয়াই আনিলে বক্সাৰ লাভলীনা বৰগোহাঁইয়ে ৷ লাভলীনাৰ এই সাফল্যক লৈ আনন্দিত হৈ পৰে লাভলীনাই জন্মগ্ৰহণ কৰা গোলাঘাট জিলাৰ ধনশিৰি মহকুমাৰ বৰপথাৰ বাৰমুখীয়াৰ ৰাইজৰ লগতে সমগ্ৰ অসমবাসী ।

লগতে পঢ়ক : বাইহাটাত ড্ৰাগছসহ আটক এজন সৰবৰাহকাৰী