সৰুপথাৰ,27 জানুৱাৰী: বন বিভাগ আৰু স্থানীয় প্ৰশাসনক মেনেজ কৰি একাংশ অসাধু ব্যৱসায়ীয়ে সৰুপথাৰত ধনশিৰি নদীত অবৈধ বালি খনন কৰাৰ অভিযোগ ৷ নাঁওজান আঞ্চলিক বন বিষয়াৰ কাৰ্যালয়ৰ সৰুপথাৰ খণ্ড বন বিভাগৰ অধীনৰ ১নং পদুমনিত প্ৰশান্ত বিভাৰ নামৰ ব্যক্তিজনে বছৰ বছৰ ধৰি অবৈধ ভাৱে বালি খনন কৰাৰ অভিযোগ উত্থাপিত হৈছে ৷ গোলাঘাট জিলা বন বিভাগৰ পৰা পট্টা মাটিত কিছু বালি খনন কৰাৰ পাৰ্মিট লৈ প্ৰশান্ত বিভাৰে চলাই গৈছে লুন্ঠনৰাজ ৷ একাংশ দূৰ্নীতিগ্ৰস্ত বন বিষয়া তথা স্থানীয় প্ৰশাসনক মেনেজ কৰি বছৰ বছৰ ধৰি অবৈধ বালি খনন কৰি ৰমৰমীয়া ব্যৱসায় কৰি আহিছে | ধনশিৰি নদীৰ বালি নিম্ন মানৰ আৰু পলসুৱা হোৱা হেতু চৰকাৰী কামৰ পৰা বাৰণ কৰাৰ পাছতো কিন্তু বৰ্তমান এই বালিয়ে ব্যৱহাৰ হৈ আছে ৷ সৰুপথাৰ খণ্ড বন বিষয়া গৰাকীয়ে প্ৰশান্ত বিভাৰৰ বালি মহলটো বৈধ বুলি ক'ব বিচাৰে যদিও সংবাদ মাধ্যমৰ আগত স্পষ্টকৈ ক'ব নোৱাৰিলে ৷ তদুপৰি বালি মহলৰ পৰা বালি কঢ়িয়াই অহা ট্ৰাকৰ পৰা ধন সংগ্ৰহ কৰাৰ বাবেই বনবিষয়াই কাৰ্যালয় এৰি পথত ৰৈ থাকেহি বুলি অভিযোগ উত্থাপন কৰিছে দল সংগঠনে ৷
লগতে পঢ়ক:মৰিগাঁৱত টেক্টৰৰ চেপাত এজন লোকৰ মৃত্যু
