সৰুপথাৰ , 28 মে' : সৰুপথাৰ বিধানসভা সমষ্টিৰ অন্তৰ্গত ভিন্ন ঠাইত বিকল ইখনৰ পাচত সিখন পানী যোগান আঁচনি ৷ জনস্বাস্থ্য কাৰিকৰী বিভাগৰ সৰুপথাৰ উপ-সংমণ্ডল কাৰ্যালয়ৰ আধীনস্থ যোৰহটীয়া গাঁৱত বিগত তিনি বছৰ ধৰি বিকল হৈ পৰি ৰৈছে পানী যোগান আঁচনি ৷ ফলত বিশুদ্ধ খোৱাপানীৰ অভাৱত জীয়াতু ভুগিছে যোৰহটীয়া গাঁৱৰ শতাধিক পৰিয়ালে ৷
প্ৰায় ৫৫ লাখ টকা ব্যয়ৰে যোৰহটীয়াত নিৰ্মাণ কৰা পানী যোগানৰ কাৰ্যালয়ত বৰ্তমান চাৰিওদিশে হাবি-জংঘল ৷ গাঁওখমনত এই আঁচনিখনৰ পানীৰ 120 টা গৃহ সংযোগকাৰী উপভোক্তা পৰিয়াল আছিল যদিো পৰিচালনাৰ অভাৱত আঁচনিখনৰ পানী সৰবৰাহকাৰী পাইপ সমূহ ফাটি যোৱাত এতিয়া বিশুদ্ধ খোৱাপানীৰ অভাৱত পৰিছে গাঁওখনৰ বাসিন্দা ৷ ফলত বৰপথাৰ-গোলাঘাট সংযোগী ধোন্দাচাম এন চি চি পথৰ কাষতে হাবি জংঘলৰ মাজত বিকল হৈ পৰি থকা এই পানী যোগান আঁচনিখন পুনৰ সচল কৰি ৰাইজক বিশুদ্ধ পানী যোগান ধৰিবলৈ চৰকাৰ তথা বিভাগীয় কৰ্তৃপক্ষক দাবী জনাইছে স্থানীয় ৰাইজে ৷
