সৰুপথাৰ,6 জুন: ৰাজ্যত নতুন চৰকাৰ আহিল, ইয়াৰ পূৰ্বে অহা ইখনৰ পিছত সিখন চৰকাৰৰ কোনো এখনৰ দিনতে ৰাজ্যবাসীৰ বাট-পথ, দলং আদিৰ অসুবিধাৰ স্থায়ী সমাধান নোলাল ৷ এনে সমস্যাৰে সন্মুখীন হৈছে সৰুপথাৰ বিধানসভা সমষ্টিৰ অন্তৰ্গত ৰতনপুৰ গাঁও পঞ্চায়তৰ ৰাইজ ৷ সৰুপথাৰ বিধানসভা সমষ্টিৰ (Sarupathar LAC) অন্তৰ্গত ৰতনপুৰ গাঁও পঞ্চায়তৰ বছাপথাৰ আমগুৰি সংযোগী এটা পথৰ ওপৰত থকা এখন দলঙকলৈ বিপাঙত পৰিছে ৰাইজ ৷ দলঙৰ নামত থকা চাৰিডাল লোহাৰ চিৰিৰে মৰণত শৰণ দি প্ৰায় ৯/১০ খন গাঁৱৰ ৰাইজে গন্তব্যস্থল অভিমুখে দীৰ্ঘদিনে যাত্ৰা কৰি আহিছে ।
স্থানীয় গাঁৱবাসীয়ে অভিযোগ কৰা মতে, তেওঁলোকে বাৰম্বাৰ চৰকাৰ তথা বিভাগীয় কৰ্তৃপক্ষক এখন স্থায়ী দলং নিৰ্মাণ কৰিবৰ বাবে দাবী উত্থাপন কৰি আহিছে ৷ কিন্তু লক্ষণীয় বিষয় যে, আজিকোপতি কোনো এখন চৰকাৰ (Government) বা জন প্ৰতিনিধিয়ে কাণসাৰ দিয়া নাই গাঁৱবাসীৰ এই সমস্যাক ৷
পূৰ্বে এনেদৰে পাৰ হওঁতে বহুবাৰ দুৰ্ঘটনা ঘটি একাংশ লোক আহত হোৱাৰ বিপৰীতে গৰু-ম’হৰ মৃত্যু হৈছে বহুবাৰ । স্থানীয় ৰাইজে বিভাগীয় কৰ্তৃপক্ষক (responsible authority) শীঘ্ৰে এখন স্থায়ী দলং নিৰ্মাণ কৰিবলৈ দাবী উত্থাপন কৰিছে ।
লগতে পঢ়ক:পেট্ৰ'ল-ডিজেলৰ মূল্যবৃদ্ধিৰ বিৰুদ্ধে দিল্লীত যুৱ কংগ্ৰেছৰ(IYC) প্ৰতিবাদ
