জয়ন্ত সিনহাৰ সংস্পৰ্শলৈ অহা 19 গৰাকীৰ দেহত কৰ'ণাৰ অৱস্থিতি

জয়ন্ত সিনহাৰ সংস্পৰ্শলৈ অহা 19 গৰাকীৰ দেহত লাভ কৰা হৈছে কৰ'ণাৰ অৱস্থিতি ৷ জয়ন্ত সিনহাৰ পত্নী আৰু কন্যাও আক্ৰান্ত কৰ'ণা ভাইৰাছত ৷

গোলাঘাট, 4 জুলাই : ক্ৰমাৎ বৃদ্ধি পাইছে গোলাঘাট জিলাত কৰ'ণা আক্ৰান্তৰ সংখ্যা । শুকুৰবাৰ পৰ্যন্ত গোলাঘাটত কৰ'ণা আক্ৰান্তৰ সংখ্যা 26 গৰাকীলৈ বৃদ্ধি পাইছে ৷ গোলাঘাটৰ লাইফ লাইন নাৰ্চিং হ'মৰ কৰ্মচাৰী জয়ন্ত সিনহাৰ সংস্পৰ্শলৈ অহা 19 গৰাকীৰ দেহত লাভ কৰা হৈছে কোভিড-19 ৷ জয়ন্ত সিনহাৰ পত্নী আৰু কন্যাও আক্ৰান্ত হোৱা বুলি জানিব পৰা গৈছে ৷

আক্ৰান্ত সকল কোৱাৰেণ্টাইনত আছিল যদিও তেওঁলোকৰ সংস্পৰ্শলৈ অহা অধিক লোকৰ পজিটিভ ওলোৱাৰ সম্ভাৱনা আছে । প্ৰশাসনৰ তৰফৰ পৰা গণ সংক্ৰমণৰ বিষয়টো নুই কৰিলেও চিন্তিত হৈ পৰিছে প্ৰশাসন ৷

লগতে পঢ়ক : কৰ’ণা ভাইৰাছৰ সুৰক্ষাৰ নামত যুৱতীক হাৰাশাস্তি নগা আৰক্ষীৰ